Тошкент шаҳрининг Мирзо Улуғбек ва Яккасарой туманларида ўғирлик жиноятини содир этишда гумон қилинаётган шахс қидирилмоқда, дея хабар берди шаҳар ИИББ.
Қидирувдаги шахснинг исми шарифи Мелиқўзиев Жавоҳир Жаҳонгирович. У 1993 йилда туғилган, муқаддам бир неча маротаба судланган.
Ж.Мелиқўзиев Чилонзор, Мирзо Улуғбек ва Яккасарой туманларида олтита ўғирлик жиноятини содир этишда гумон қилинмоқда. Гумон қилинувчи хонадонларга кириш эшигининг қулфини бузиш йўли билан ғайриқонуний равишда кириб, тилла тақинчоқларни ўғирлаган, сўнг уларни Қўйлиқ бозорида сотган.
Ж.Мелиқўзиев ҳақида бирор маълумотга эга бўлган ёки унга ўхшаш шахсни кўрган фуқаролар +998998487577 ёки +998977104994 рақамлари орқали хабар бериши сўралган.
Изоҳ (0)