“Yuventus” Chempionlar Ligasi 1/8 final javob bahsi doirasida 9-mart, seshanba kuni “Portu”ga qarshi bahs olib bordi.
Turinda kechgan o‘yin qo‘shimcha bo‘limlarga qadar cho‘zildi va “Yuventus”ning 3:2 hisobidagi g‘alabasi bilan tugadi. Biroq safardagi gol evaziga “Portu” keyingi bosqichga yo‘l oldi.
Opta ma’lumotlariga ko‘ra, “Yuventus” Chempionlar Ligasi va Chempionlar Kubogi (musobaqaning avvalgi nomi — izoh “Daryo”) tarixida ilk bor ketma-ket ikki mavsumda 1/8 finaldayoq musobaqani tark etdi. 2019/20-yilgi mavsumda Turin jamoasi 1/8 finalda “Lion” to‘sig‘idan o‘tolmagandi.
Shuningdek, turinliklar forvardi Krishtianu Ronaldu 15 yil deganda ketma-ket ikki mavsum musobaqa chorak finaliga chiqa olmadi.
“Yuventus”—“Portu” uchrashuvidagi gollarni bu yerda tomosha qilish mumkin — video.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)