«Ювентус» Чемпионлар Лигаси 1/8 финал жавоб баҳси доирасида 9 март, сешанба куни «Порту»га қарши баҳс олиб борди.
Туринда кечган ўйин қўшимча бўлимларга қадар чўзилди ва «Ювентус»нинг 3:2 ҳисобидаги ғалабаси билан тугади. Бироқ сафардаги гол эвазига «Порту» кейинги босқичга йўл олди.
Opta маълумотларига кўра, «Ювентус» Чемпионлар Лигаси ва Чемпионлар Кубоги (мусобақанинг аввалги номи — изоҳ «Дарё») тарихида илк бор кетма-кет икки мавсумда 1/8 финалдаёқ мусобақани тарк этди. 2019/20 йилги мавсумда Турин жамоаси 1/8 финалда «Лион» тўсиғидан ўтолмаганди.
Шунингдек, туринликлар форварди Криштиану Роналду 15 йил деганда кетма-кет икки мавсум мусобақа чорак финалига чиқа олмади.
«Ювентус»—«Порту» учрашувидаги голларни бу ерда томоша қилиш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)