Futbol bo‘yicha Yevropa Chempionlar Ligasi 1/8 final javob o‘yini doirasida “Borussiya” klubi Dortmundda 9-mart, seshanba kuni “Sevilya” bilan bahsga kirishdi.
Uchrashuvning 35-daqiqasida Erling Holand mezbonlarni hisobda oldinga olib chiqdi. 54-daqiqada Holandning o‘zi jamoasining o‘yindagi ikkinchi golini urdi. 68-daqiqada Yusuf an-Nesiri 11 metrlik jarima zarbasini aniq amalga oshirib “Sevilya”ning javob golini urdi. 90+6 daqiqada Yusufning o‘zi yana bir bor gol urdi. Uchrashuv 2:2 hisobida yakunlandi.
Andalusiyada o‘tgan ilk o‘yinda “Borussiya” “Sevilya” ustidan 3:2 hisobida g‘alaba qozongan edi. Shu tariqa dortmundliklar ikki o‘yin natijasiga ko‘ra 5:4 hisobda g‘alaba qozonib, Chempionlar Ligasi 1/4 finaliga yo‘llanmani o‘ziniki qildi.
Chempionlar Ligasi
1/8 final javob bahsi
9-mart, seshanba
“Borussiya D” Germaniya – “Sevilya” Ispaniya 2:2
Gollar: 1:0 – 35 Holand, 2:0 – 54, penalti Holand, 2:1 – 68, penalti An-Nesiri, 2:2 – 90+6 An-Nesiri.
“Borussiya D” – Hits, Morey (Mene, 90), Shuls (Zagadu, 89), Hummels, Jan, Bellinghem, Daud, Azar (Passlak, 67), Dileyni, Roys, Holand.
“Sevilya” – Bunu, Kunde, Diyego Karlos, Navas, Akunya, Fernando (Rakitich, 86), Oskar Rodriges (Oliver Torres, 79), Okampos (de Yong, 60), Jordan (Gomes, 60), Suso (Munir, 86), An-Nesiri.
Ogohlantirishlar: Morey (20), Akunya (40), Kunde (51), Holand (55), Jordan (55), Jan (67), Oskar Rodriges (71), Fernando (76), Diyego Karlos (77).
Birinchi o‘yin – 3:2
Izoh (0)