Qozog‘istonning SCAT aviakompaniyasi Aqtau – Urganch – Aqtau yo‘nalishida muntazam aviaqatnovlarni yo‘lga qo‘yishi haqida xabar berilgandi. 8-mart kuni aviakompaniya mazkur yo‘nalishda ilk parvozni amalga oshirdi. Bu haqda Transport vazirligi xabar qildi.
Ta’kidlanishicha, Urganch xalqaro aeroportida yo‘lovchilar tantanali ravishda kutib olindi.
Qozog‘iston Industriya va infratuzilmalarni rivojlantirish vazirligi ma’lumotiga ko‘ra, ushbu yo‘nalishda haftasiga ikki marotaba: dushanba va chorshanba kunlari reyslar amalga oshiriladi.
Ma’lumot uchun, SCAT — 1997-yilda tashkil etilgan xususiy aviakompaniya bo‘lib, bugungi kunda ushbu aviakompaniya parkida G‘arbda ishlab chiqarilgan 60 dan ortiq samolyot mavjud. Aviakompaniya tomonidan 80 dan ortiq mahalliy va xalqaro havo yo‘llari ekspluatatsiya qilinmoqda.
Bundan avval Gruziya O‘zbekiston va Markaziy Osiyoning yana uchta davlatidan uchib keluvchi fuqarolarni qabul qilishni boshlagani, Uzbekistan Airways 28-martdan boshlab Samarqanddan yangi mahalliy yo‘nalishlarda aviaqatnovlarni yo‘lga qo‘yishi hamda O‘zbekiston may oyigacha Rossiya bilan muntazam aviaqatnovlar tiklanishiga umid qilayotgani haqida xabar berilgandi.
Izoh (0)