Eng uzoq masofadan urilgan goldan to‘purar darvozabongacha. Futbol tarixidagi noyob rekordlar haqida

Bugungi kunga kelib, deyarli har bir futbol o‘yinida qandaydir yangi rekord o‘rnatiladi yoki mavjudlari yangilanadi. Biroq millionlar o‘yinida yana shunday rekordlar ham borki, ularni yangilashning deyarli imkoni yo‘q. “Sports.ru” saytining “Haqiqiy futbol sirlari” blogi millionlar o‘yini tarixida takrorlanishi qiyin (imkonsiz) bo‘lgan rekordlarni taqdim etdi. Quyida ushbu material o‘zbek tilida havola etiladi.

Eng uzoq masofadan urilgan gol

“Stok Siti” darvozaboni Asmir Begovich 2014-yilda “Sauthempton”ga qarshi bahsda uzoq masofadan zarba yo‘llab, rekordlar kitobiga o‘z nomini yozdirib qo‘yadi. U 91,9 metr uzoqlikdagi masofadan hamkasbini ranjitadi.

Bosh bilan uzoq masofadan urilgan gol

Tilbakespark til da Jone Samuelsen headet inn en verdensrekord fra egen banehalvdel! 👊😲 #hjemmebane @oddsbk pic.twitter.com/1YauaMkWyD

— OBOS-ligaen (@obosligaen) April 5, 2020

2011-yilda norvegiyalik futbolchi Yone Samuelsen 58,13 metr masofadan boshi bilan darvozani aniq nishonga olgan.

“Tromsyo” darvozaboni hisobni tenglashtirish uchun so‘nggi daqiqalarda oldinga chiqib ketganini ko‘rgan “ODD Grenland” futbolchisi maydonning ikkinchi yarmidan bo‘sh darvozani ishg‘ol etadi.

Bir o‘yindagi eng ko‘p qizil kartochkalar

2011-yilda Argentinaning beshinchi divizionidan o‘rin olgan “Kleypol” va “Viktoriano Arenas” o‘rtasidagi o‘yinda aqlbovar qilmas vaziyat sodir bo‘ladi.

Birinchi bo‘limda ikki nafar futbolchi maydondan chetlatiladi, o‘yinning ikkinchi yarmida esa katta ommaviy janjal yuzaga keladi, unga menejerlar, murabbiylar va hattoki ba’zi muxlislar ham qo‘shiladi. Uchrashuv hakami umumiy hisobda 36 ta qizil kartochka ko‘rsatadi.

Futbol tarixidagi eng keksa futbolchi

2019-yilning 5-aprelida isroillik darvozabon Isaak Xayik 73 yosh-u 95 kunligida “Makkabi Ironi Or Ieguda” tarkibida to‘laqonli uchrashuv o‘tkazib, futbol tarixidagi eng keksa o‘yinchiga aylanadi.

Bir kalendar yilida eng ko‘p gol urgan futbolchi

“Barselona” hujumchisi Lionel Messi 2012-yilni 91 ta gol bilan yakunlab, Germaniya terma jamoasi va “Bavariya” sobiq futbolchisi Gerd Myuller tomonidan 1972-yilda o‘rnatilgan 85 ta goldan iborat rekordni yangilaydi.

Argentinalik futbolchi o‘sha yilda “Barselona” tarkibida 79 ta, milliy jamoasida esa 12 ta gol uradi.

Eng uzoq davom etgan penaltilar seriyasi

Tarixdagi eng uzoq davom etgan penaltilar seriyasi 2005-yilda Namibiya Kubogi doirasida o‘tkazilgan uchrashuvda qayd etilgan. Bellashuv g‘olibini aniqlash uchun naq 48 ta penalti tepiladi. O‘yinning asosiy vaqti 2:2 hisobida tugagan bo‘lsa, 11-metrlik lotareyada 17:16 hisobi qayd etiladi. Hatto ba’zi futbolchilar uch martadan penalti tepadi.

Jahon Chempionatidagi eng tezkor gol

2002-yilgi mundialning 3-o‘rini uchun kechgan Janubiy Koreya va Turkiya uchrashuvida turklar hujumchisi Xoqon Shukurga gol urish uchun 10,89 soniya kerak bo‘ladi, xolos. Turkiya o‘sha o‘yinda 3:2 hisobida g‘alaba qozonadi.

Bir o‘yindagi eng tezkor het-trik

1964-yilda “Ross Kaunti” (Shotlandiya) futbolchisi Tommi Ross 56 yildan beri saqlanib kelayotgan rekordni o‘rnatadi. Faoliyatida “Peterboro Yunayted”, “Uigan Atletik” (ikkalasi ham Angliya) va “York Siti” kabi jamoalarda o‘ynagan Ross “Nern Kaunti” darvozasiga 90 soniya ichida 3 ta gol uradi.

Faoliyati davomida eng ko‘p gol urgan darvozabon

1997—2015-yillar oralig‘ida braziliyalik darvozabon Rojerio Seni “San-Paulu” safida 131 ta gol uradi. Seni nafaqat darvoza chizig‘ida yaxshi harakat qilardi, balki faoliyati davomida 100 dan ortiq gol urgan ajoyib o‘yinchi ham edi.

Jahon Chempionatining bir uchrashuvida eng ko‘p seyv amalga oshirgan darvozabon

Amerikalik darvozabon Tim Hovard garchi jamoasi mag‘lubiyatga uchragan bo‘lsa-da (2:1), 2014-yilgi Jahon Chempionatining 1/8 final uchrashuvida ajoyib harakatlarni amalga oshiradi.

Great to see Tim Howard, who turns 4⃣1⃣ tomorrow, coming out of retirement to sign for @Memphis901FC 👏

Who remembers the former @USMNT keeper's heroics against Belgium at the 2014 #WorldCup? 🇺🇸🏆 #TBT | @TimHowardGK pic.twitter.com/vb8gVpPYWX

— FIFA World Cup (@FIFAWorldCup) March 5, 2020

Hovard Belgiyaga qarshi uchrashuvda 16 ta seyv amalga oshirib, ushbu ko‘rsatkich bo‘yicha rekord o‘rnatadi.

Boshqa maqolalar: