Энг узоқ масофадан урилган голдан тўпурар дарвозабонгача. Футбол тарихидаги ноёб рекордлар ҳақида

Бугунги кунга келиб, деярли ҳар бир футбол ўйинида қандайдир янги рекорд ўрнатилади ёки мавжудлари янгиланади. Бироқ миллионлар ўйинида яна шундай рекордлар ҳам борки, уларни янгилашнинг деярли имкони йўқ. «Sports.ru» сайтининг «Ҳақиқий футбол сирлари» блоги миллионлар ўйини тарихида такрорланиши қийин (имконсиз) бўлган рекордларни тақдим этди. Қуйида ушбу материал ўзбек тилида ҳавола этилади.

Энг узоқ масофадан урилган гол

«Сток Сити» дарвозабони Асмир Бегович 2014 йилда «Саутҳэмптон»га қарши баҳсда узоқ масофадан зарба йўллаб, рекордлар китобига ўз номини ёздириб қўяди. У 91,9 метр узоқликдаги масофадан ҳамкасбини ранжитади.

Бош билан узоқ масофадан урилган гол

Tilbakespark til da Jone Samuelsen headet inn en verdensrekord fra egen banehalvdel! 👊😲 #hjemmebane @oddsbk pic.twitter.com/1YauaMkWyD

— OBOS-ligaen (@obosligaen) April 5, 2020

2011 йилда норвегиялик футболчи Йоне Самюэлсен 58,13 метр масофадан боши билан дарвозани аниқ нишонга олган.

«Тромсё» дарвозабони ҳисобни тенглаштириш учун сўнгги дақиқаларда олдинга чиқиб кетганини кўрган «ОДД Гренланд» футболчиси майдоннинг иккинчи ярмидан бўш дарвозани ишғол этади.

Бир ўйиндаги энг кўп қизил карточкалар

2011 йилда Аргентинанинг бешинчи дивизионидан ўрин олган «Клейпол» ва «Викториано Аренас» ўртасидаги ўйинда ақл бовар қилмас вазият содир бўлади.

Биринчи бўлимда икки нафар футболчи майдондан четлатилади, ўйиннинг иккинчи ярмида эса катта оммавий жанжал юзага келади, унга менежерлар, мураббийлар ва ҳаттоки баъзи мухлислар ҳам қўшилади. Учрашув ҳаками умумий ҳисобда 36 та қизил карточка кўрсатади.

Футбол тарихидаги энг кекса футболчи

2019 йилнинг 5 апрелида исроиллик дарвозабон Исаак Хайик 73 ёшу 95 кунлигида «Маккаби Ирони Ор Иэгуда» таркибида тўлақонли учрашув ўтказиб, футбол тарихидаги энг кекса ўйинчига айланади.

Бир календарь йилида энг кўп гол урган футболчи

«Барселона» ҳужумчиси Лионель Месси 2012 йилни 91 та гол билан якунлаб, Германия терма жамоаси ва «Бавария» собиқ футболчиси Герд Мюллер томонидан 1972 йилда ўрнатилган 85 та голдан иборат рекордни янгилайди.

Аргентиналик футболчи ўша йилда «Барселона» таркибида 79 та, миллий жамоасида эса 12 та гол уради.

Энг узоқ давом этган пенальтилар серияси

Тарихдаги энг узоқ давом этган пенальтилар серияси 2005 йилда Намибия Кубоги доирасида ўтказилган учрашувда қайд этилган. Беллашув ғолибини аниқлаш учун нақ 48 та пенальти тепилади. Ўйиннинг асосий вақти 2:2 ҳисобида тугаган бўлса, 11-метрлик лотареяда 17:16 ҳисоби қайд этилади. Ҳатто баъзи футболчилар уч мартадан пенальти тепади.

Жаҳон Чемпионатидаги энг тезкор гол

2002 йилги мундиалнинг 3-ўрини учун кечган Жанубий Корея ва Туркия учрашувида турклар ҳужумчиси Хоқон Шукурга гол уриш учун 10,89 сония керак бўлади, холос. Туркия ўша ўйинда 3:2 ҳисобида ғалаба қозонади.

Бир ўйиндаги энг тезкор ҳет-трик

1964 йилда «Росс Каунти» (Шотландия) футболчиси Томми Росс 56 йилдан бери сақланиб келаётган рекордни ўрнатади. Фаолиятида «Петерборо Юнайтед», «Уиган Атлетик» (иккаласи ҳам Англия) ва «Йорк Сити» каби жамоаларда ўйнаган Росс «Нерн Каунти» дарвозасига 90 сония ичида 3 та гол уради.

Фаолияти давомида энг кўп гол урган дарвозабон

1997—2015 йиллар оралиғида бразилиялик дарвозабон Рожерио Сени «Сан-Паулу» сафида 131 та гол уради. Сени нафақат дарвоза чизиғида яхши ҳаракат қиларди, балки фаолияти давомида 100 дан ортиқ гол урган ажойиб ўйинчи ҳам эди.

Жаҳон Чемпионатининг бир учрашувида энг кўп сейв амалга оширган дарвозабон

Америкалик дарвозабон Тим Ҳовард гарчи жамоаси мағлубиятга учраган бўлса-да (2:1), 2014 йилги Жаҳон Чемпионатининг 1/8 финал учрашувида ажойиб ҳаракатларни амалга оширади.

Great to see Tim Howard, who turns 4⃣1⃣ tomorrow, coming out of retirement to sign for @Memphis901FC 👏

Who remembers the former @USMNT keeper's heroics against Belgium at the 2014 #WorldCup? 🇺🇸🏆 #TBT | @TimHowardGK pic.twitter.com/vb8gVpPYWX

— FIFA World Cup (@FIFAWorldCup) March 5, 2020

Ҳовард Бельгияга қарши учрашувда 16 та сейв амалга ошириб, ушбу кўрсаткич бўйича рекорд ўрнатади.

Бошқа мақолалар: