Qibraydagi ariqdan har kuni qon oqayotgani, u Olmazor tumani markazidagi suzish havzasiga quyilishi haqida xabar berilgandi. Veterinariya va chorvachilikni rivojlantirish davlat qo‘mitasi holat qo‘mita mas’ullari tomonidan joyiga borib o‘rganilganini ma’lum qildi.
O‘rganish natijalariga ko‘ra, suvga qonli chiqindi oqizayotgan “Obod Savdo Biznes” MChJga qarashli ixtisoslashtirilgan so‘yish korxonasida veterinariya-sanitariya qoidalari va me’yorlari buzilganligi, ya’ni kushxonadan chiqqan chiqindilar haqiqatan ham ariqqa oqizilayotganligi ma’lum bo‘lgan.
Aniqlangan kamchiliklarni 5 kun muddat ichida zudlik bilan bartaraf etish choralarini ko‘rish bo‘yicha veterinariya mutaxassislari tomonidan zarur ko‘rsatmalar berilgan va ogohlantirish xati yuborilgan.
Eslatib o‘tamiz, har kun ikki-uch mahal qon oqishi aytilgan Toshkent shahridan 2 kilometr naridan o‘tgan mazkur ariq Qibray tumanidan o‘tuvchi Qoraqamish kanaliga qo‘shiladi. Bu kanal esa Toshkent shahrining Qoraqamish mavzesidan o‘tib, Olmazor tumanining markazidagi suzish havzasiga quyiladi. Ariq bo‘yidagi aholi qonli ariq bo‘yicha 3 yil mobaynida ko‘p joyga murojaatlar qilgan, ammo natija bo‘lmagan.
Izoh (0)