Davlat soliq qo‘mitasi raisi Sherzod Kudbiyev Toshkent shahridagi ikki tumanga yangi bosh soliqchilarni tayinladi. Bu haqda 4-mart kuni qo‘mita matbuot xizmati xabar berdi.
Shu vaqtgacha Bandlik va mehnat munosabatlari vazirligi Bandlikka ko‘maklashish davlat jamg‘armasi mablag‘laridan samarali va maqsadli foydalanish boshqarmasi boshlig‘i o‘rinbosari lavozimida ishlab kelgan Umid Bahromovich Iminjonov Mirzo Ulug‘bek tumani Davlat soliq inspeksiyasi (DSI) boshlig‘i lavozimiga tayinlangan.
Qayd etishlaricha, Iminjonov Bandlik va mehnat munosabatlari vazirligidagi faoliyatiga qadar ham Mirzo Ulug‘bek tumani DSIda ishlagan — soliq organlaridagi professional faoliyatini 2011-yilda tuman DSIning Yuridik shaxslarning soliqlar va boshqa majburiy to‘lovlarni to‘lash monitoringi shu’basi inspektori lavozimidan boshlagan.
Shu vaqtgacha Yashnobod tumani bo‘yicha G‘aznachilik bo‘linmasi boshlig‘i lavozimida ishlab kelgan Abdumuxtor Abdug‘afurovich Malikov Yakkasaroy tumani DSI boshlig‘i etib tayinlandi. Ma’lumot berishlaricha, Malikov mehnat faoliyatini 2007-yilda Toshkent shahri bo‘yicha G‘aznachilik boshqarmasi moliyaviy majburiyatlarni ro‘yxatdan o‘tkazish va to‘lovlarni amalga oshirish guruhi inspektori lavozimidan boshlagan.
Izoh (0)