Давлат солиқ қўмитаси раиси Шерзод Кудбиев Тошкент шаҳридаги икки туманга янги бош солиқчиларни тайинлади. Бу ҳақда 4 март куни қўмита матбуот хизмати хабар берди.
Шу вақтгача Бандлик ва меҳнат муносабатлари вазирлиги Бандликка кўмаклашиш давлат жамғармаси маблағларидан самарали ва мақсадли фойдаланиш бошқармаси бошлиғи ўринбосари лавозимида ишлаб келган Умид Баҳромович Иминжонов Мирзо Улуғбек тумани Давлат солиқ инспекцияси (ДСИ) бошлиғи лавозимига тайинланган.
Қайд этишларича, Иминжонов Бандлик ва меҳнат муносабатлари вазирлигидаги фаолиятига қадар ҳам Мирзо Улуғбек тумани ДСИда ишлаган — солиқ органларидаги профессионал фаолиятини 2011 йилда туман ДСИнинг Юридик шахсларнинг солиқлар ва бошқа мажбурий тўловларни тўлаш мониторинги шуъбаси инспектори лавозимидан бошлаган.
Шу вақтгача Яшнобод тумани бўйича Ғазначилик бўлинмаси бошлиғи лавозимида ишлаб келган Абдумухтор Абдуғафурович Маликов Яккасарой тумани ДСИ бошлиғи этиб тайинланди. Маълумот беришларича, Маликов меҳнат фаолиятини 2007 йилда Тошкент шаҳри бўйича Ғазначилик бошқармаси молиявий мажбуриятларни рўйхатдан ўтказиш ва тўловларни амалга ошириш гуруҳи инспектори лавозимидан бошлаган.
Изоҳ (0)