Aksariyat haydovchilar Check Engine lampochkasiga e’tibor qaratmasligi ma’lum bo‘ldi

Check Engine lampochkasi dvigatel yoki boshqa nosozliklarga oid mummolardan ogohlantirishi mumkin, biroq statistika ko‘pchilik haydovchilar bunga e’tibor qaratmasligini ko‘rsatmoqda, deb yozadi Motor.

Reviews portalining ma’lum qilishicha, AQShda o‘tkazilgan tadqiqot aksariyat haydovchilar yonib qolgan Check Engine lampochkasiga e’tibor qaratmaydi. So‘rovda muntazam ravishda mashina boshqaradigan 1239 amerikalik ishtirok etgan. Ularning 64 foizi qurilmalar panelidagi ushbu lampochka yonganidan kamida bir hafta o‘tib, avtoservisga borishlarini ma’lum qilgan bo‘lsa, 29,6 foizi bir oydan bir yilgacha kutishini bildirgan. 25 foiz haydovchilar esa unga, umuman, e’tibor qaratmasliklarini ta’kidlagan.

So‘rovda ishtirok etganlarning 9,2 foizi Check Engine lampochkasiga avtomobilda qandaydir jiddiy va yaqqol ko‘zga tashlanadigan muammo yuzaga kelgan taqdirda e’tibor qaratishlarini tan olgan. Gender farqlariga kelinadigan bo‘lsa, nosozlik indikatoriga erkaklarning 32 foizi, ayollarning esa 18,4 foizi e’tibor qaratmasligi ma’lum bo‘lgan. Shuningdek, bu borada yosh ham muhim omil hisoblanadi: avtoservislarga yonayotgan lampochka bo‘yicha murojaat qiladiganlarning 43,4 foizini 45 yoshdan kattalar tashkil etadi, 26,6 foizini — 35 yoshgacha bo‘lgan haydovchilar.