AQShning Suriyadagi Eronga aloqador obyektlarga havo zarbasini berishi mintaqadagi zo‘ravonliklarni yanada kuchaytirib yuborishi mumkin. Bu haqda Eron prezident apparati huzuridagi Strategik tadqiqotlar markazi xalqaro loyihasining direktori Diako Husayniy “TASS”ga ma’lum qilgan.

Foto: Voice of America

“Agar yaqin vaqt ichida yadro kelishuvi bo‘yicha muzokaralar qayta boshlanmasa yoki ushbu masalaga qaytilmasa, u holda bunday harakatlar ikki davlat o‘rtasidagi vaziyatning yanada keskinlashishiga olib kelishi mumkin, bu diplomatik munosabatlarni yanada murakkablashtiradi”, – degan u.

Husayniyning so‘zlariga ko‘ra qisqa davr oralig‘ida shoshmashosharlik bilan chiqarilgan xato qaror tomonlarning yadro kelishuviga rioya etish bo‘yicha kelishuvni qaytadan imzolash ehtimolini keskin kamaytiradi.

“Biroq Jo Bayden prezidentligining ilk davridanoq ikki davlat o‘rtasidagi ishonchsizlikni yanada oshirib yubormoqchi. Bu AQShning tashqi siyosatida ijobiy o‘zgarishlar bo‘lishi haqidagi umidlarni so‘ndiradi”, — deydi Husayniy.

AQSh 26-fevralga o‘tar kechasi Suriya – Iroq mamlakatlarining chegarasidagi hududga aviazarba yo‘llagan. Pentagon ushbu harakatning Iroqda AQSh vakillari va IShID terrorchilariga qarshi kurash olib borgan koalitsiyaga uyushtirilgan hujumga javob ekanligini bildirgan.

AQSh Eron bilan aloqador guruhlarga qarshli obyektlarga hujum qilgan. Suriya tashqi ishlar vaziri mazkur hujumni qoralagan, shuningdek, bu kabi harakatlar xalqaro huquq me’yorlariga zid ekanligi va Yaqin Sharq mintaqasidagi vaziyatni yanada murakkablashtirishidan xavotirdaligini ma’lum qilgan.