Куни кеча оилавий кийим-кечак чакана савдоси билан шуғулланувчи INDENIM компаниясининг 2020 йил сарҳисоби ҳамда 5 йиллик стратегиясига бағишланган йиллик конференцияси бўлиб ўтди. Унда ўтган йил кўрсаткичлари ва 2021—2025 йил учун олдинга қўйилган устувор вазифалар муҳокамаси олиб борилди.
Маълумки, 2020 йил барча учун синовли йил бўлди. Шунга қарамай, компания пандемия шароитида республиканинг Самарқанд, Андижон, Наманган, Қарши, Қўқон, Олмалиқ, Ангрен, Бекобод, Чирчиқ, Ғиждувон, Китоб, Жарқўрғон шаҳарларида ҳар бирининг майдони ўртача 1000-1200 квадрат метр бўлган, жами 15 та янги филиал очишга улгурди. Қолаверса, компания 2020 йилнинг ўзида пойтахтда ва ҳудудларда 650 дан ортиқ янги иш ўринларини яратди. Умумий ҳисобда INDENIM компанияси 2020 йилни Ўзбекистоннинг 20 та шаҳрида 28 та дўкон билан якунлади ва ҳозирда компанияда 1500 нафардан ортиқ ишчи ўз меҳнат фаолиятини олиб бормоқда.
Тадбир давомида компаниянинг 5 йилга мўлжалланган истиқболли режалари ва олдинга қўйилган улкан мақсадлари бўйича INDENIM стратегияси тақдим этилди. 2021—2025 йил учун стратегия қуйидагиларни ўз ичига олади:
- 5 йил мобайнида Россия, Қозоғистон, Украина, Белоруссия, Қирғизистон, Тожикистон, Арманистон, Грузия, Озарбайжон, Молдова каби МДҲ давлатларида 500 дан зиёд филиалларни очиш ва йиллик айланма миқдорини 500 миллион АҚШ долларига етказиш;
- онлайн дўкон савдосини ривожлантириш;
- Fast-fashion бозорида МДҲ давлатларининг энг кучли ва барқарор брендларидан бирига айланиш;
- кучли ва етук мутахассислар ҳамда лидерларни етиштириш.
- Ўзбекистон бўйлаб барча ҳудудлардаги филиалларнинг сонини 100 тага етказиш;
- INDENIM Design Academy’ни яратиш;
- «Лидерлар мактаби» ни яратиш;
- INDENIM Retail Academy’га асос солиш;
- ходимлар учун инглиз, рус ва турк тилларини ўргатиш курсларини йўлга қўйиш;
- йилнинг энг яхши «HR brand» унвонини олиш, яъни йилнинг энг яхши иш берувчиси бўлиш;
- 4000 дан зиёд янги иш ўринларини яратиш.
Тадбир мобайнида INDENIM компанияси бош ижрочи директори (CEO) Мурат Азамов ва бош директор (Генерал диреcтор) Азизбек Бобоазизов компаниянинг истиқболли режалари тўғрисида нутқ сўзлади. Шунингдек, компаниянинг фаол ходимлари йил мобайнида қилган меҳнати ва кўрсатган шижоати учун турли номинациялар бўйича сертификат, пул мукофотлари билан тақдирланди.
INDENIM’нинг бош ижрочи директори (CEO) Мурат Азамовнинг таъкидлашича:
Буюк натижаларни фақатгина буюк жамоалар амалга ошириши мумкин. Шу муносабат билан биз ўз олдимизга қўйган мақсадлар ва белгиланган натижаларга эришиш учун нафақат Ўзбекистонда, балки бутун дунёда энг юқори натижаларни кўрсатадиган, етакчи «Орзудаги жамоа» (Dream team) ни тузишга қарор қилдик. Чунки INDENIM компаниясининг энг муҳим қадриятларидан бири, бу одамларнинг ривожланиши ва уларнинг ҳаётини яхшилашдир.Улкан мақсадлар сабабли ҳозирги кунда компаниямизда биз билан бирга халқаро даражагача ўсиб, ривожланишга тайёр бўлган шижоатли, интилувчан ва ташаббускор кадрларни излаш билан фаол шуғулланмоқдамиз. Биз муносиб номзодлар учун энг яхши шароитларни таклиф қилишга тайёрмиз. Ҳозир бизнинг компаниямизда қуйидаги бўлимларда бўш иш ўринлари мавжуд: чакана савдо бўлими (retail), визуал мерчендайзинг (VM), маркетинг, молия бошқаруви, ходимлар билан ишлаш (HR), маҳсулотни бошқариш, IT, логистика, омборхона, бухгалтерия, таъминот, десигн ва бошқалар... Бизнинг бўш иш ўринларимизга қизиқиш билдирган барча номзодлар (+998 95) 610 11 11 рақамига қўнғироқ қилиб, маълумот олиши мумкин. Биз бутун Ўзбекистон бўйлаб номзодларни кўриб чиқмоқдамиз.
INDENIM оилавий кийим маркази барча хонадонлар учун замонавий кийимларни ҳамёнбоп нархда, кенг ассортиментларда тақдим этаётганидан, шунингдек, аҳоли бандлик даражасини оширишга ўз ҳиссасини қўшаётганидан мамнун.
Реклама ҳуқуқи асосида.
Изоҳ (0)