Purviqor tog‘lar, sharshara va soatlab qarab ham kishining ko‘zi to‘ymaydigan manzaralardan tashqari, Lotin Amerikasida diqqatga sazovor hududlar, maskan va binolar mavjud.
Ispan tilidan “tonggi quyosh” deb tarjima qilinadigan geotermal hudud — Sol-de-Manyana dengiz sathidan 4800 metr balandlikda joylashgan. Altiplano-Puna vulkanik kompleksining bir qismi hisoblangan mazkur hududda loyli ko‘l va ko‘plab hovuzlarni uchratish mumkin.
Mazkur hududda astek va inklarning avlodlari yevropalik mustamlakachilar hamda afrikaliklar bilan aralashgani singari aholi madaniyatida ham rang-baranglikni ko‘rish mumkin. Shu bois karnaval, kostyum va raqslar Kolumbiya, Boliviya hamda Braziliya singari mamlakatlarning asosiy diqqatga sazovor jihatlaridan biri hisoblanadi.
Andaga yo‘l olgan sayyoh mahalliy aholidan ko‘ra ko‘proq lama va alpaklarga duch kelishi mumkin. Bundan 6000 yil avval peruliklar tomonidan qo‘lga o‘rgatilgan mazkur hayvonlar bugungi kunda Janubiy Amerikaning baland tog‘li hududlari, xususan, Peru, Ekvador, Chili va Boliviyada faol ravishda ko‘paytiriladi.
Torres-del-Payne esa sayyohlar Patogoniya ruhini his qilishi mumkin bo‘lgan Chilining baland tog‘li hududida joylashgan milliy bog‘ sanaladi. Iqlimi mo‘tadil bo‘lgan mazkur yerda hatto yoz oylarida ham havo harorati kamdan kam hollarda 11 darajadan yuqoriga ko‘tariladi.
Ushbu hududda balandligi 2000 metrni tashkil qiladigan ulug‘vor Kuernos-del-Payne qoyalarini tomosha qilish mumkin.
Yaqin-yaqingacha dunyodagi eng quruq deya hisoblanuvchi Atakama sahrosiga 4 asrdan ko‘proq vaqt davomida yomg‘ir yog‘magan. Ammo so‘nggi 10 yilda iqlim o‘zgarishi sabab Atakamada 200 turdan ortiq o‘simlik o‘sib chiqqan. Chili shimolida joylashgan Atakama sahrosida yer ostidan chiqib turgan 11 metrli qo‘l mavjud. U 1992-yilda qum orasida cho‘kayotgan insonning zaif va ilojsiz ekanligi ramzi sifati qurilgan.
2017-yilda Loma-Grandega tashrif buyurgan sayyohlar palmalar o‘rtasida turgan samolyotlarni ko‘rib hayratlanishi mumkin bo‘lgan, ammo bugungi kunga kelib shahar mehmonlari derazasidan samolyot ko‘rinib turadigan, yonida hovuzda cho‘milish va ichida tushlik qilish imkonini beruvchi mahalliy mehmonxonalarga joylashishi mumkin.
256 ta sharsharadan tashkil topgan Iguasu sharsharasi Braziliya va Argentina chegarasida joylashgan. Sharsharalardan eng balandi 82 metrni tashkil qiladi.
Rio-de-Janeyroning Sugarloaf tog‘idagi kanat yo‘li bundan 100 yil avval tashkil qilingan bo‘lib, undagi harakatlanadigan vagon ichidan tog‘, orol va okeanlarning go‘zal manzarasini tomosha qilish mumkin. Buenos-Ayresda joylashgan La-boka tumani ham o‘ziga yarasha tarixga ega ekani bilan diqqatga sazovor. Pedro-de Mendos, Argentinaning poytaxtini aynan mazkur hududda tashkil qilgan. Buenos-Ayresdagi birinchi port ham aynan shu yerda bunyod qilingan.
La-Boka tarixining so‘nggi bosqichi hududga ko‘chib kelgan italiyalik immigrantlar bilan bog‘liq. Ularda uyini turli rangga bo‘yash an’anasi bor. Aksariyati kambag‘al bo‘lgan mahalliy aholining bir rangdagi bo‘yoqqa puli yetmagan va turli ranglardan foydalanib uylarini bo‘yagan.
Laguna-Kolorada ko‘li esa minerallar sabab och pushti rangga ega ekanligi bilan o‘ziga xos. Milliy bog‘ hududidagi mazkur ko‘lda nafaqat Jeyms flamingolarini, balki ushbu qushning boshqa turlarini ham uchratish mumkin.
Lotin Amerikasining eng qadimiy shaharlaridan biri hisoblangan Machu-Pikchuga olimlarning fikricha, XV asr boshlarida inklar tomonidan asos solingan. Shahar professor Hayram Bingem tomonidan XX asr boshlarida ochilmaguniga qadar 4 asr davomida e’tibordan chetda bo‘lgan. U yerda 180 ga yaqin tarixiy inshoot bor. O‘zgacha uslubda qurilgan ibodatxona, uy, ombor va rasadxonalar shular jumlasidan
Kolumbiyaning Vilya-de-Leyva qishlog‘ida qad ko‘targan Terrakota uylari arxitektor Oktavio Mendos tomonidan o‘ziga xos texnologiya asosida qurilgan bo‘lib, undagi barcha mebel elementlari gildan tashkil topgan.
Boliviyaning poytaxti Sukre atrofi xushmanzara tog‘lar bilan o‘ralgan, yashil vodiyda joylashgan. Tor va sokin ko‘chalarni o‘z ichiga oladigan shahardagi uylarning cherepitsali tomlari quyosh botayotganda kunduzgidan ham chiroyliroq ko‘rinadi.
Guaxiru dunyodagi eng birinchi kaytsyorfing o‘rgatish tashkil qilingan joylardan biri hisoblanadi. Sayyohlar bu yerga palmalar bilan o‘ralgan ko‘rfazlarda hordiq chiqarish uchun tashrif buyuradi.
Lotin Amerikasi yovvoyi tabiatni suratga tushirishni xush ko‘ruvchilar uchun ham ayni muddao. Bu yerda siz noyob hayvon va qushlar: katta tukan, qirollik pingvini, galapagos albatrosi (dengiz qushi)ni uchratishingiz mumkin.
Perito-Moreno muzligi Patagoniyaning Argentina qismidagi eng qiziqarli sayyohlik joylaridan biri. Maydoni 250 kilometrni tashkil qiladigan muz platosi dunyodagi uchinchi eng katta chuchuk suv zaxirasi sanaladi. Taxminan har 5 yilda muz Lago-Arxentino ko‘liga tushib, damba hosil qilishi, ko‘ldagi suv 30 metrgacha ko‘tarilishi mumkin.
Mavzuga doir:
Izoh (0)