O‘zbekiston terma jamoasi yarim himoyachisi Odil Ahmedov “Tyanszin Taygers”ni tark etadi va faoliyatini Xitoyning boshqa bir klubi “Sanchjou Mayti Layons”da davom ettiradi. Bu haqda Xitoy matbuotiga tayanib, Titan Sports Plus xabar qilmoqda.
Avvalroq “Tyanszin Taygers” (sobiq “Tyanszin Teda”) moliyaviy qiyinchiliklar sabab bankrot e’lon qilishi haqida xabar berilgandi.
Klubdagi inqirozli holat va boshqa jamoaga yo‘l olishi haqidagi xabarlar to‘g‘riligini Ahmedovning o‘zi ham tasdiqladi.
“‘Tyanszin Teda’da inqirozli holat bo‘layotgani rost. Oldimda 2-3 ta variant bor, bir haftada qaysi klubga o‘tishim aniq bo‘ladi”, — deya futbolchining so‘zlarini keltirmoqda “Tribuna.uz”.
Eslatib o‘tamiz, Ahmedov 2020-yilgi mavsum davralar oralig‘ida “Shanxay SIPG”dan “Tyanszin Teda”ga yo‘l olgan va yangi jamoasining Xitoy Superligasida jon saqlab qolishiga yordam bergandi.
“Sanchjou Mayti Layons” (sobiq “Shiszyachjuan Ever Brayt”) 2020-yilgi mavsum yakunlariga ko‘ra oliy divizionni tark etgandi. Biroq “Tyanszin Teda”ning inqirozi sabab klub katta ehtimol bilan elitadagi o‘rnini saqlab qoladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)