“Yuventus” hujumchisi Krishtianu Ronaldu 2009—2018-yillar mobaynida Madridning “Real” klubida to‘p surgan.
“Real”dagi faoliyati mobaynida portugaliyalik futbolchi Madrid provinsiyasidagi Posuelo de Alarkon hududida joylashgan 14 million dollarlik villada istiqomat qilgan.
Uning yonidagi uy Ronalduning onasi Doloresga tegishli bo‘lgan. Shuningdek, Ronalduning uyi joylashgan ko‘chada Garet Beyl, Zinedin Zidan, Serxio Ramos va Diyego Simeone kabi futbol olami vakillari yashagan.
Muhtasham uyda ko‘plab xonalar, bog‘, ochiq va yopiq basseyn, bir nechta mashina sig‘adigan garaj, mashg‘ulot zali, video va ko‘ngilochar o‘yinlarga mo‘ljallangan xona mavjud bo‘lgan.
Ronaldu “Real” safida barcha musobaqalar doirasida 450 ta gol urgan va 133 ta golli uzatma muallifiga aylangan. U “Qirollik klubi” bilan 16 ta sovringa ega chiqqan.
Mavzuga doir:
- Eldor Shomurodov Italiyada qanday uyda yashayotganligini ko‘rsatdi (video)
- Krishtianu Ronaldu 36 yoshda. Portugaliyalik yulduz yangilaydigan yana qanday rekordlar bor?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)