Ўзбекистон терма жамоаси ярим ҳимоячиси Одил Аҳмедов «Тянсзин Тайгерс»ни тарк этади ва фаолиятини Хитойнинг бошқа бир клуби «Санчжоу Майти Лайонс»да давом эттиради. Бу ҳақда Хитой матбуотига таяниб, Titan Sports Plus хабар қилмоқда.
Аввалроқ «Тяньцзинь Тайгерс» (собиқ «Тяньцзинь Тэда») молиявий қийинчиликлар сабаб банкрот эълон қилиши ҳақида хабар берилганди.
Клубдаги инқирозли ҳолат ва бошқа жамоага йўл олиши ҳақидаги хабарлар тўғрилигини Аҳмедовнинг ўзи ҳам тасдиқлади.
«‘Тяньцзинь Тэда’да инқирозли ҳолат бўлаётгани рост. Олдимда 2-3 та вариант бор, бир ҳафтада қайси клубга ўтишим аниқ бўлади», — дея футболчининг сўзларини келтирмоқда «Tribuna.uz».
Эслатиб ўтамиз, Аҳмедов 2020 йилги мавсум давралар оралиғида «Шанхай СИПГ»дан «Тяньцзинь Тэда»га йўл олган ва янги жамоасининг Хитой Суперлигасида жон сақлаб қолишига ёрдам берганди.
«Санчжоу Майти Лайонс» (собиқ «Шицзячжуан Эвер Брайт») 2020 йилги мавсум якунларига кўра олий дивизионни тарк этганди. Бироқ «Тяньцзинь Тэда»нинг инқирози сабаб клуб катта эҳтимол билан элитадаги ўрнини сақлаб қолади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)