Shveysariyaning elektron kitoblar ishlab chiqaruvchi PocketBook kompaniyasi Ink Pad Color — zamonaviy EInk rangli ekranlar texnologiyasi qo‘llanilgan 7,8 dyuymli qurilmani taqdim etdi, deb xabar beradi “Korrespondent.net”.
“Barcha gap EInk New Kaleido texnologiyasi asosida yaratilgan ekranda. U Kaleido’ning birinchi versiyasidan ranglar filtrining yangi qolipi bilan ajralib turadi, bu esa tasvirni yanada yorqin bo‘lishini ta’minlaydi”, — deyiladi kompaniya xabarida.
Ta’kidlanishicha, elektron kitob piksellari soni 468x624 taga teng 7,8 dyuymli displeyga ega. Oq-qora rejimga o‘tkazilganida piksellar soni 404x1872 tani tashkil etadi. Akkumulyator sig‘imi — 2900 mA/soat. Kitobning o‘zi bir marta quvvatlanish orqali bir oy davomida ishlay oladi, quvvatlanish esa USB Type-C razyomi orqali.
Shuningdek, Pocket BookInk Pad Color 1 gigabayt tezkor va 16 gigabayt ichki xotiraga ega bo‘lib, qo‘shimcha flesh-xotira evaziga uning sig‘imini oshirish mumkin. 225 grammli qurilma narxi 329 dollarni tashkil etadi.
Avvalroq Xitoyning Hisense kompaniyasi oq-qora displeyga ega noodatiy A7 5G smartfonini taqdim etgani to‘g‘risida xabar berilgandi.
Mavzuga doir: Amazon suv o‘tkazmaydigan elektron kitobini taqdim etdi
Izoh (0)