2016-yildan O‘zbekiston hukumati tomonidan amalga oshirilgan tarkibiy islohotlar iqtisodiyotdagi ko‘plab samarasizliklarni bartaraf etdi, ammo siyosiy va ijro etilish xavfini tug‘diradigan eng qiyin islohotlar hali oldinda. Bu haqda Moody’s Investors Service reyting agentligiga tayanib, Spot xabar berdi.
Ta’kidlanishicha, yaxshilangan iqtisodiy siyosat, sud-huquq sohasidagi islohotlar va tashqi aloqalarni mustahkamlash ijobiy kredit reytingiga sabab bo‘ladi va shu qatorda xavflarni keltirib chiqarishi ham mumkin.
“Bugungi kunda O‘zbekistonda davlat nazoratini yumshatish, davlat hukumatini isloh qilish va tashqi siyosatni qayta tiklash kabi harakatlar mamlakat reytingiga cheklov bo‘lgan zaifliklarni bartaraf etadi”, — deydi Moody’s vitse-prezidenti va tahlilchisi Nishad Majmudar.
Shu bilan birga, ichki iqtisodiyotni xususiy va xalqaro raqobat uchun ochish iqtisodiy buzilishlarga sabab bo‘lishi mumkin. Agar bozor islohotlarining taqsimlovchi ta’sirlar e‘tiborga olinmasa, ijtimoiy barqarorlik xavf ostida bo‘lishi mumkinligini qo‘shib qo‘ydi Majmudar.
Ichki iqtisodiyotni raqobatga ochish uchun quyidagi harakatlar amalga oshirildi:
- hokimiyat narxlarni nazorat qilishni bekor qildi;
- chet el valyutasini sotib olishdagi cheklovlar olib tashlandi;
- qishloq xo‘jaligi va yer islohotlari amalga oshirildi;
- sud tizimini qayta qurish jarayoni boshlandi.
O‘zbekistonning davlat qarzi 2023-yilgacha o‘sishda davom etsa-da, u B1 kredit reytingidan past bo‘lib qoladi. Davlat qarzining o‘sishi valyuta kursining ko‘tarilishiga bog‘liq bo‘lishi mumkin, chunki umumiy davlat qarzining 90 foizi chet el valyutasida va bank sektorining katta qismi dollar valyutasida ish yuritadi.
Izoh (0)