“Mash’al” futbol klub bosh murabbiyi Serxio Marinangeli muborakliklar jamoasini tark etdi. Bu haqda klub matbuot xizmati ma’lum qildi.
“Mash’al”ni yangi mavsumga tayyorlagan Marinangeli oilaviy sharoiti tufayli Ispaniyaga jo‘nab ketgani aytilmoqda.
Marinangeli 2020-yilning dekabrida jamoada maslahatchi murabbiy sifatida ish boshlagandi. Yanvar oyida esa “Mash’al” bosh murabbiyi etib tayinlandi. Muborakliklar jamoasiga qadar mutaxassis “Oqtepa” klubida faoliyat yuritgandi.
Marinangeli “Mash’al” bosh murabbiyi etib tayinlangach quyidagi so‘zlarni aytgandi:
“Mash’al” jamoasiga katta maqsadlar bilan keldim, chunki klub bosh direktori Ilhom Qurbonov bilan gaplashganimda maqsadlari jiddiy ekanligiga amin bo‘ldim. Bu mavsum yaxshi raqobatdosh jamoa shakllantirib, klub muxlislarini xursand qilishga harakat qilaman.Ma’lumot o‘rnida, ispaniyalik mutaxassis Serxio Mariangeli 2015—2017-yillarda Ekvatorial Gvineya terma jamoasida bosh murabbiy Esteban Bekkerga assistentlik qilgan. Shuningdek, u faoliyati davomida Ispaniyaning bir qancha quyi liga jamoalarida ham ishlagan.Serxio Marinangeli, murabbiy
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)