AQSh Kongressi Vakillar palatasining a’zosi Tom Emmer onlayn uchrashuvda boshi pastdan tepaga bo‘lgan teskari tasvir bilan ishtirok etdi. Bu haqda Esquire xabar beradi.
Bunga guvoh bo‘lgan hamkasblari Zoom’ga mushuk ko‘rinishida kirgan texaslik advokat bilan bog‘liq voqeani esga olgan.
Onlayn muloqotga qo‘shilgan Emmer kongressmen Maksin Uoters undan hammasi joyidami, deb so‘ramagunicha hech nima bo‘lmagandek gapirishda davom etgan. Hamkasblaridan biri uni hech bo‘lmaganda mushuk emasligini, boshqasi esa boshi bilan turib olishini aytib, hazil qilgan. Amaldorlardan yana biri kulgidan o‘zini tiya olmagan.
Qanday qilib tasvirini to‘g‘rilashni bilmaganini aytgan kongressmen keyinroq buning uddasidan chiqqan. Emmer xafa bo‘lish o‘rniga o‘zini mem qilishni afzal bilgan. Twitter sahifasiga ko‘rinishi teskari aks etgan suratni joylab, “Mushuk emasman” deb yozib qoldirgan.
I am not a cat. pic.twitter.com/d4lhQd0sJ4
— Tom Emmer (@GOPMajorityWhip) February 10, 2021
Avvalroq sudning onlayn yig‘ilishiga Texaslik advokat Rod Pontan mushuk ko‘rinishida kirgani internetda mashhur bo‘lgandi. Mushuk qilib ko‘rsatadigan filtrni o‘chira olmagan Rod “Shu yerdaman va men mushuk emasman”, — degan.
Mavzuga doir:
- Amerikalik advokat Zoom’da filtrni o‘chirishni esdan chiqardi va sud majlisida ko‘zlari o‘ynab turadigan mushuk obrazida chiqish qildi (video)
- Megan Markl va shahzoda Garri talabalarga syurpriz uyushtirib, ularning onlayn mashg‘ulotida paydo bo‘ldi
- Britaniyalik fermer odamlarga echkilar bilan Zoom’da muloqot qilishni taklif qilmoqda. Bu orqali u allaqachon 68 ming dollar ishlab topdi
Izoh (0)