TikTok ijtimoiy tarmog‘ining yaponiyalik foydalanuvchilaridan biri o‘zining vannaxonasida olingan video bilan bo‘lishdi. Video 13-fevral kuni mamlakatda sodir bo‘lgan 7,1 magnitudali zilzila vaqtida olingan.
Qisqa rolikda kuchli yer silkinishlari suv bilan to‘ldirilgan vannaga qanday ta’sir ko‘rsatgani aniq ko‘ringan. Avvaliga kichik to‘lqinlar yuzaga kelib, atrofga sachray boshlagan, keyin esa u kuchayib borganidan vanna ichiga fontan o‘rnatilgandek taassurot uyg‘otgan.
Bu kabi hodisa ko‘plab insonlarni hayratga solgani ajablanarli emas. Video ijtimoiy tarmoqda juda tez mashhurlikka erishdi — 78 million marotaba tomosha qilingan. Rolik ostiga qoldirilgan izohlar soni 117 mingdan oshadi. Ularning aksariyatida qizga hamdardlik bildirishgan. Ayrimlar esa to‘lqin balandligidan hayratga tushganini yozib, “Poseydonning g‘azabi keldi” deya hazillashgan.
So‘nggi ma’lumotlarga ko‘ra, Yaponiyada sodir bo‘lgan yer silkinishi oqibatida jabrlanganlar soni 150 kishiga yetgan, 950 mingga yaqin uy xo‘jaliklari elektr quvvatisiz qolgan. Zilzila mamlakat shimoli-sharqiga ta’sir ko‘rsatgan. U, shuningdek, poytaxt Tokioda ham sezilgan.
Mavzuga doir: Yaponiyadagi yer silkinishi oqibatlari — suratlarda
Izoh (0)