Amerikaning Xantington shahrida yashovchi Jenni Makmillanning uyiga o‘rmon juda yaqin bo‘lib, u allaqachon hovlisiga biror yegulik izlab keladigan kiyiklarni ko‘rishga o‘rganib qolgan, deb yozadi “News.Mail.ru”.
Jenni 2021-yilning fevral oyi o‘rtalarida derazadan ana shunday kiyiklarning birini kuzatib turar ekan ajoyib vaziyatga ko‘zi tushdi. O‘rmondan tashrif buyurgan mehmon daraxtning ortiga shu qadar berkindiki, uning boshidan boshqa tana qismi ko‘zdan g‘oyib bo‘ldi.
Jennini ushbu tasvir ham kuldirib, ham hayratda qoldirdi. U darhol suratga olishga shoshildi va buni ijtimoiy tarmoqda bo‘lishdi. Bir necha kun ichida ushbu illyuziya mashhurlikka erishdi. Butun dunyo bo‘ylab odamlar kiyik qanday qilib yashiringani haqida taxmin qila boshladi. Aftidan, u shunchaki daraxt yonida turib, boshini yon tarafga burgan, degan fikrlar ham mavjud.
Izoh (0)