АҚШ Конгресси Вакиллар палатасининг аъзоси Том Эммер онлайн учрашувда боши пастдан тепага бўлган тескари тасвир билан иштирок этди. Бу ҳақда Esquire хабар беради.
Бунга гувоҳ бўлган ҳамкасблари Zoom’га мушук кўринишида кирган техаслик адвокат билан боғлиқ воқеани эсга олган.
Онлайн мулоқотга қўшилган Эммер конгрессмен Максин Уотерс ундан ҳаммаси жойидами, деб сўрамагунича ҳеч нима бўлмагандек гапиришда давом этган. Ҳамкасбларидан бири уни ҳеч бўлмаганда мушук эмаслигини, бошқаси эса боши билан туриб олишини айтиб, ҳазил қилган. Амалдорлардан яна бири кулгидан ўзини тия олмаган.
Қандай қилиб тасвирини тўғрилашни билмаганини айтган конгрессмен кейинроқ бунинг уддасидан чиққан. Эммер хафа бўлиш ўрнига ўзини мем қилишни афзал билган. Twitter саҳифасига кўриниши тескари акс этган суратни жойлаб, «Мушук эмасман» деб ёзиб қолдирган.
https://twitter.com/RepTomEmmer/status/1359598666638581774
Аввалроқ суднинг онлайн йиғилишига Техаслик адвокат Род Понтан мушук кўринишида киргани интернетда машҳур бўлганди. Мушук қилиб кўрсатадиган фильтрни ўчира олмаган Род «Шу ердаман ва мен мушук эмасман», — деган.
Мавзуга доир:
- Америкалик адвокат Zoom’да фильтрни ўчиришни эсдан чиқарди ва суд мажлисида кўзлари ўйнаб турадиган мушук образида чиқиш қилди (видео)
- Меган Маркл ва шаҳзода Гарри талабаларга сюрприз уюштириб, уларнинг онлайн машғулотида пайдо бўлди
- Британиялик фермер одамларга эчкилар билан Zoom’да мулоқот қилишни таклиф қилмоқда. Бу орқали у аллақачон 68 минг доллар ишлаб топди
Изоҳ (0)