Davlat soliq qo‘mitasi “Lozim darajadagi ehtiyotkorlik” nomli yangi servisni taqdim etdi. Uning yordamida tadbirkorlar o‘z biznes-sheriklari faoliyatining qonuniyligini tekshirishlari mumkin.
Tekshiruvlar davomida soliq qo‘mitasi soliq summalarini noqonuniy ravishda kamaytirib ko‘rsatuvchi shubhali bitimlarni amalga oshiradigan 396 ta korxona ro‘yxatini tuzgan.
Avvalroq qo‘mita bayonot bilan chiqib, vijdonsiz soliq to‘lovchilar (“naqdlashtiruvchilar”) bilan moliyaviy operatsiyalarni amalga oshirgan kompaniyalarning QQSni hisobga olish mablag‘lari to‘g‘rilangan yoki bekor qilinganini ma’lum qilgan edi.
Sabab — hisob soxta bitimlarga asoslangan. Shu bilan birga, har bir holat individual ko‘rib chiqiladi.
Agar soliq to‘lovchi bitimning qonuniyligi va haqiqatini tasdiqlovchi hujjatlarni taqdim etsa, shuningdek, sherik tanlashda ehtiyotkorlik bilan yondashsa hamda yetkazib beruvchining o‘z majburiyatlarini bajara olish qobiliyatini isbotlasa, u holda hisob-kitob summasi darhol tiklanadi.
Izoh (0)