Давлат солиқ қўмитаси «Лозим даражадаги эҳтиёткорлик» номли янги сервисни тақдим этди. Унинг ёрдамида тадбиркорлар ўз бизнес-шериклари фаолиятининг қонунийлигини текширишлари мумкин.
Текширувлар давомида солиқ қўмитаси солиқ суммаларини ноқонуний равишда камайтириб кўрсатувчи шубҳали битимларни амалга оширадиган 396 та корхона рўйхатини тузган.
Аввалроқ қўмита баёнот билан чиқиб, виждонсиз солиқ тўловчилар («нақдлаштирувчилар») билан молиявий операцияларни амалга оширган компанияларнинг ҚҚСни ҳисобга олиш маблағлари тўғриланган ёки бекор қилинганини маълум қилган эди.
Сабаб — ҳисоб сохта битимларга асосланган. Шу билан бирга, ҳар бир ҳолат индивидуал кўриб чиқилади.
Агар солиқ тўловчи битимнинг қонунийлиги ва ҳақиқатини тасдиқловчи ҳужжатларни тақдим этса, шунингдек, шерик танлашда эҳтиёткорлик билан ёндашса ҳамда етказиб берувчининг ўз мажбуриятларини бажара олиш қобилиятини исботласа, у ҳолда ҳисоб-китоб суммаси дарҳол тикланади.
Изоҳ (0)