Futbol bo‘yicha Angliya Premyer Ligasining 24-turida “Arsenal” 14-fevral, yakshanba kuni “Lids”ni qabul qildi.
Uchrashuvning 13-daqiqasida Pyer-Emerik Obameyang londonliklarni oldinga olib chiqqan bo‘lsa, 41-daqiqada gabonlik futbolchi penaltini aniq ijro etgan holda ikkinchi golni urdi. Birinchi bo‘limning so‘nggi daqiqasida Ektor Belyerin hisobni yirik ko‘rinishga olib keldi.
Ikkinchi bo‘lim debyutida Obameyang het-trik qayd etdi. Shundan keyin mehmonlar ikkita gol bilan javob qaytarishga erishdi. Biroq qolgan daqiqalar vaziyatni o‘nglash uchun yetarli bo‘lmadi.
Ushbu g‘alabadan keyin “Arsenal” ochkolarini 34 taga yetkazib oldi va 10-o‘ringa ko‘tarildi. “Lids” (32) 11-pog‘onaga tushdi.
APL
24-tur bahsi
14-fevral, yakshanba
“Arsenal” — “Lids” 4:2
Gollar: 1:0 – 13 Obameyang, 2:0 – 41, penalti Obameyang, 3:0 – 45 Belyerin, 4:0 – 47 Obameyang, 4:1 – 58 Streyk, 4:2 – 69 Elder Koshta.“Arsenal”: Leno, Soaresh, Belyerin, David Luiz, Gabriel, Jaka, Smit-Rou (Villian, 62), Edegor (an-Nenni, 78), Sebalyos (Holding, 89), Saka, Obameyang.
“Lids”: Melye, Streyk, Eyling, Kuper, Dallas, Sheklton, Klix (Roberts, 46), Alioski (Haggins, 53), Harrison (Elder Koshta, 46), Rafinya, Bemford.
Ogohlantirish: Streyk (70).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)