Turkiya prezidenti Rajab Toyyib Erdo‘g‘on unga koronavirusga qarshi vaksinaning ikkinchi dozasi yuborilganini ma’lum qildi. Bu haqda u 11-fevral kuni o‘zining Telegram’dagi sahifasida ma’lum qildi.
“Assalomu alaykum aziz birodarlar, bugun menga COVID-19 vaksinasining ikkinchi dozasi yuborildi. Biz yaqin kelajakda barcha fuqarolarimizning emlanishini maqsad qilganmiz”, – deb yozgan Erdo‘g‘on.
Eslatib o‘tamiz, 14-yanvar kuni Anqara shahar kasalxonasida Erdog‘on vaksinaning birinchi dozasi bilan emlangan edi. Mahalliy ommaviy axborot vositalari prezident Sinovac Biotech kompaniyasining CoronaVac vaksinasi bilan emlanganini xabar qildi.
Ma’lum qilinishicha, Sinovac vaksinasi Ukraina tomonidan sotib olingan, ammo uning samaradorligining yakuniy natijalari hali mavjud emas. Indoneziyada 1620 kishi qatnashgan sinovlardan so‘ng, vaksina 65 foiz samaradorligini e’lon qilishdi. Turkiyada bu ko‘rsatkich 91,2 foiz, Braziliyada esa atigi 50,4 foizga teng bo‘lgan.
Bundan avval Shahzoda Charlz va uning rafiqasi, BMT bosh kotibi, Bill Geyts hamda Argentina prezidenti koronavirus vaksinasi bilan emlangani haqida xabar berilgandi.
Izoh (0)