Истеъдоди, маҳорати ва ўзига хос ташқи кўриниши билан сериалларнинг муваффақиятли чиқишини таъминлайдиган турк актрисаларнинг экранга қайтиши мухлис ва томошабинлар учун кутилмаган ҳол.
Бергузар Корел
Ҳалит Эргенчнинг истеъдодли ва мафтункор рафиқаси анчадан буён экранда кўриниш бермай қўйган. Сўнгги марта «Ватаним сенсан» сериалида суратга тушган актриса шундан кейин фақат фильмларда роль ижро қила бошлаган. Кўпроқ вақтини оиласига бағишлашга қарор қилган Бергузар, суратга олиш ишлари баъзан 12 соатлаб давом этиши ва бу жуда катта зўриқиш эканини маълум қилган. 2021 йилда суратга тушиши кутилаётган Корел, рақамли платформада эфирга узатиладиган сериалда суратга тушади.
Дениз Чакир
«Ёмонлик дунёга устун бўлолмас» сериалидаги ролидан маҳрум бўлганидан кейин актриса карьерасида бироз муддат омадсизлик кузатилган. У 2019 йилда бош қаҳрамон сифатида тасдиқланган сериал паст рейтинг сабаб тўхтатилган. 2021 йилда «Муҳташам юз йил» юлдузининг экранга қайтиши кутилмоқда. У «Маъсумлик» сериалида суратга тушади.
Ҳуля Авшар
«Косем» сериалида Сафия султон ролини ижро қилган. Шундан кейин экранларда кўринмай қолгани сабаб мухлислар 57 яшар актрисанинг саломатлигидан хавотирлана бошлаган. Аммо Ҳулянинг ўзи янги «Маъсумлик» сериалида суратга тушишини маълум қолган.
Ҳазал Кая
«Тақиқланган севги» ва «Марал» сериаллари юлдузи 2021 йилда янги лойиҳаларда иштирок этишга тайёр. У 2019 йилда «Бизнинг ҳикоя» сериалида суратга тушган, аммо ҳомиладорлиги сабаб суратга олиш ишлари тўхтатилган. Мухлислар севимли актрисаларини Netflix томонидан суратга олинаётган янги «Пере Паласдаги ярим тун»сериалида кўриши мумкин.
Пелин Қорахон
«Муҳташам юз йил» юлдузи сўнгги марта 2018 йили «Уйимдаги душман» сериалида роль ижро қилган. Суратга олиш ишлари якунига етганидан кейин Пелин вақтини фарзандларига сарфлашга қарор қилган. Шунга қарамай, продюсерлар унга янги лойиҳада иштирок этишни таклиф қилиб чарчамаган. Ва ниҳоят актриса «Бир куни Кипрда» сериалида суратга тушишга розилик берган.
Изоҳ (0)