Еврокомиссия Яқин Шарқ ва Шимолий Африка минтақаларидаги мамлакатлар билан ҳамкорлик режаси тақдимотини ўтказди. Иттифоқ 2021—2027 йилларда мазкур минтақалардаги мамлакатларни 7 миллиард еврогача молиялаштириш ишларини ташкил этади. Бу ҳақда Еврокомиссиянинг 9 февраль, сешанба куни Брюсселда эълон қилинган баёнотида маълумот берилган, деб ёзмоқда «ТАСС».
Ҳужжатда ташаббус махсус иқтисодий ва инвестицион режа билан амалга оширилиб, бу орқали Евроиттифоқ Жанубий қўшничилиги дастуридаги мамлакатларни ижтимоий-иқтисодий оёққа турғазиш мақсад қилинган.
«Янги ҳужжатга кўра, ЕИ 2021—2027 йилларда халқаро ҳамкорлик, яқин қўшничилик ва тараққиёт лойиҳалари учун 7 миллиард еврогача маблағ ажратади ва бу пуллар хусусий ва давлат инвестицияларининг мобиллашуви натижасида кейинги ўн йилликда 30 миллиардгача етиши мумкин», — дейилган баёнотда.
Шунингдек, ҳужжатда янги режа бешта соҳа — одам потенциалини ривожлантириш, бошқарув ва ҳуқуқларнинг кафолатлари; барқарорлик, тараққиёт ва рақамли технологияларни ривожлантириш; тинчлик ва хавфсизлик, миграция ҳамда мобиллашув; яшил энергетикага ўтиш бўйича амалга оширилиши қайд этилган.
Европа Иттифоқи билан Жанубий қўшничилик дастурига 10 та мамлакат: Жазоир, Миср, Исроил, Иордания, Ливан, Ливия, Марокаш, Фаластин, Сурия ва Тунис киритилган.
Мавзуга доир:
- Европа Иттифоқи Шенген ҳудудига кириш учун қўшимча чекловларни жорий этди
- Европа комиссияси Европа Иттифоқига ва ҳамжамият мамлакатлари бўйлаб сафарлар бўйича тавсияларни кучайтирди
- Танзания ҳукумати Европа Иттифоқидан пандемияга қарши курашиш учун 27 млн евро олиши билан мамлакатни коронавирусдан холи деб эълон қилди
Изоҳ (0)