Yaponiya hukumati Afg‘onistonga ijtimoiy dasturlar va rivojlanish loyihalarini amalga oshirish uchun 122 million dollar miqdorida mablag‘ ajratadi. Bu haqda Yaponiyaning Kobuldagi elchixonasi xabar qilgan.
Diplomatik vakolatxonaning bayonotida qayd etilishicha, Afg‘oniston masalasi bo‘yicha Jenevada o‘tkazilgan konferensiyada Yaponiya hukumati vakillari islom respublikasiga 2021–2024-yillarda yiliga, taxminan, 180 million dollardan mablag‘ ajratishni va’da qilgan.
Elchixona vakillarining aytishicha, 122,2 million dollar miqdoridagi mablag‘ vositasida 17 ta ijtimoiy loyiha va rivojlanish dasturini amalga oshirish mumkin.
Xabar qilinishicha, ajratilgan pullar xavfsizlikni mustahkamlash hamda COVID-19 pandemiyasi davrida ko‘makka muhtoj bo‘lgan aholining kam ta’minlangan qatlamiga ijtimoiy yordam ko‘rsatishga sarflanadi.
Bayonotga ko‘ra, Yaponiya 2001-yildan buyon Afg‘onistonga jami 6,9 milliard dollarlik moliyaviy yordam ko‘rsatgan.
Mavzuga doir:
- Afg‘oniston prezidenti AQSh hamda “Tolibon” o‘rtasidagi kelishuv qayta ko‘rib chiqilishini ma’lum qildi
- Ashraf G‘ani Shavkat Mirziyoyevga afg‘onlararo tinchlik jarayonini qo‘llab-quvvatlayotgani uchun minnatdorlik bildirdi
- Avstraliya hukumati Afg‘onistonda o‘z harbiylarining jinoyatlari uchun uzr so‘radi