Peruda COVID-19 koronavirus infeksiyasiga qarshi aholini vaksinatsiya qilish boshlandi, vaksinalarning dastlabki dozalarini tibbiyot xodimlari qabul qilib olmoqda. Bu haqda RPP radiosiga asoslanib “RIA Novosti” xabar bergan.
Ikki kun davomida samolyotlar poytaxt Limadan mamlakatning boshqa hududlariga vaksina yetkazib berish ishlarini amalga oshiradi.
Peru hukumati 14-fevralda Sinopharm kompaniyasidan vaksinaning navbatdagi partiyasini qabul qilib olishni rejalashtirgan. Shuningdek, davlat Pfizer hamda AstraZeneca kompaniyalari, bundan tashqari JSSTning COVAX mexanizmi bilan ham kelishuvlar imzolab ulgurgan.
2020-yil 12-dekabrda Peruning Kaetano Eredia universitetida Xitoyning Sinopharm kompaniyasi tomonidan ishlab chiqilgan COVID-19’ga qarshi vaksinaning klinik sinovlari to‘xtatilgandi. Oradan qariyb ikki hafta o‘tgach, Peruda koronavirusga chalinganlar soni 1 million nafardan oshgani xabar qilingan. Yanvar oxirida Peru hududining uchdan bir qismida COVID-19 tarqalishi bilan bog‘liq vaziyatning yomonlashishi sababli 31-yanvardan izolyatsiya rejimi amal qilishni boshlagan.
Izoh (0)