Moskva shahrida 9-fevral kuni EFC 33 musobaqasi bo‘lib o‘tadi. Unda ikki nafar o‘zbekistonlik yakkakurashchi jang qiladi.
O‘zbekistonlik 31 yoshli Dadaxon Hasanov (9-6) rossiyalik 32 yoshli Andrey Kurbatovga (6-4) qarshi jang qiladi.
Hasanov ketma-ket beshta jangdan buyon g‘alaba qozonib kelmoqda. U so‘nggi jangini 2018-yilda rossiyalik Vadim Kuznetsovga qarshi o‘tkazgan va unda g‘alaba qozongandi.
Yana bir o‘zbekistonlik sportchi Azamat Nutfillayevga (6-0) rossiyalik Gennadiy Gusev (1-1) raqiblik qiladi. Faoliyatini 2018-yilda boshlagan 27 yoshli Azamat shu davrga qadar oltita jang o‘tkazib, ularning barchasida g‘alaba qozonib kelmoqda. So‘nggi besh jangni o‘zbekistonlik iqtidor egasi birinchi raunddayoq muddatidan avval yakunlagan.
EFC 33 janglari videosini bu yerda tomosha qilish mumkin bo‘ladi — havola.
Musobaqaning asosiy jangi tojikistonlik Faridun Odilov (10-2) va rossiyalik Sergey Kalinin (6-1) o‘rtasida o‘rta vazn toifasi chempionligi uchun kechadi.
EFC 33 musobaqasi Toshkent vaqti bilan 18:00 da boshlanadi. Mazkur musobaqa O‘zbekistonning “Sport TV” telekanalida to‘g‘ridan to‘g‘ri efirga uzatiladi.
Eslatib o‘tamiz, UFC promousheni rossiyalik UFC chempioni Habib Nurmagomedovga tegishli.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)