Vengriya milliy sog‘liqni saqlash markazi Rossiyaning “Sputnik V” koronavirus vaksinasidan foydalanishni tasdiqladi. Bu haqda Vengriya mehnat vaziri Miklos Kasler Facebook’dagi sahifasida ma’lum qildi, deb yozadi Tengrinews.
Uning so‘zlariga ko‘ra, milliy sog‘liqni saqlash markazi “Sputnik V” vaksinasini rasmiy o‘rganishni yakunladi. Natijada vaksina sifati bo‘yicha ishlab chiqaruvchining xususiyatlariga javob berdi va odamlarga qo‘llanishi mumkin.
“Vakolatli organning qaroriga binoan Pfizer/BioNTech, Moderna va AstraZeneca koronavirusga qarshi vaksinalaridan so‘ng yana bir vaksina Vengriyada foydalanish uchun ma’qullandi. Shunday qilib, bizda koronavirusga qarshi kurashish uchun to‘rtta vaksina bor”, – deb yozadi vazir.
Vengriya 2020-yil noyabr oyida tadqiqot uchun “Sputnik V” vaksinasi namunalarini olgan birinchi Yevropa Ittifoqi mamlakati bo‘ldi. 2021-yil yanvar oyida Vengriya Milliy farmakologiya va oziq-ovqat xavfsizligi instituti “Sputnik V” vaksinasi hujjatlarni qayta ko‘rib chiqishni yakunladi va ushbu preparatni tasdiqlashni ma’qulladi. Rossiya vaksinasidan foydalanish bo‘yicha yakuniy qaror faqat milliy sog‘liqni saqlash markazi tomonidan qabul qilinishi kerak edi.
Bundan avval Myanma, Livan va Serb Respublikasida ushbu vaksina ma’qullangan edi. Meksika esa “Sputnik V” vaksinasini yetkazib berish bo‘yicha shartnoma imzoladi.
Izoh (0)