Ijtimoiy tarmoq foydalanuvchilari tashqi ko‘rinishi bilan mashhurlikka erishgan osiyolik bloger qizning asl basharasini ko‘rib, uni yolg‘onchilikda aybladi. Bu haqda World of Buzz portalida xabar berilgan.
Ma’lum qilinishicha, TikTok sahifasida 800 ming kuzatuvchisi bo‘lgan xitoylik Si Xong Shi muntazam ravishda makiyaj va turli obrazlarni ko‘rsatib kelgan. U tomonidan joylanadigan videolar ostiga kuzatuvchilar uning naqadar go‘zal va mukammal ko‘rinishga ega ekanligini yozib kelgan.
Ammo fevral oyining boshida qizning sobiq do‘stlari obunachilarga qizning filtrsiz, asl yuzi qanday ekanligi aks etgan kadrlarni taqdim qilgan.
Shundan keyin Si Xong Shining yuzi aslida dumaloq, gavda bichimi esa yirik ekani fosh bo‘lgan. Qolaversa, ba’zi kadrlarda qizning baqbaqasi borligi ham ko‘zga tashlangan. Keyinroq esa blogerning yoshi haqida ham noto‘g‘ri ma’lumot bergani va 2021-yilda 25 yoshga kirishi ma’lum bo‘lgan. Ta’kidlanishicha, bunga qadar qiz o‘zini 1999-yilda tavallud topganini aytgan.
Si Xongning asl tashqi ko‘rinishi haqidagi haqiqatni uning sobiq yigiti ham tasdiqlagan. U tanishganlarida bo‘yi 165 sm, vazni esa 40 kg ekanini aytgan, ammo ko‘rishganlaridan keyin yigit qizning bo‘yi past va vazni 50 kilodan ortiqligiga amin bo‘lgan. Blogerning o‘zi ushbu holat haqida hech qanday tushuntirish bermagan.
Mavzuga doir:
Izoh (0)