Taniqli ingliz teleboshlovchisi Jeremi Klarksonning qizi ijtimoiy tarmoqlardagi mukammal tashqi ko‘rinish aslida nimadan iborat ekanini o‘z suratlari misolida fosh qildi.

Foto: Instagram / em_clarkson

Klarkson Instagram sahifasiga filtr foydalanilgan foto keyin esa hech qanday retushsiz fotolari ketma-ketligidan iborat videoni joylagan. Bu orqali qiz ijtimoiy tarmoqlardagi effekt odamlar tashqi qiyofasini tanib bo‘lmas darajada o‘zgartirishini isbotlamoqchi bo‘lgan.

Terini tiniq, yuz shaklini xushbichim va ko‘z rangini ochroq qilib ko‘rsatgan filtrlarni Klarkson, shunchaki bir qarashda payqab bo‘lmaydigan o‘zgarish emas deb atagan.

Ushbu posti orqali qiz internet foydalanuvchilarining e’lon qilingan suratlariga har doim ham ishonavermaslik, qiyofasini boshqalar bilan solishtirish hamda erishib bo‘lmaydigan go‘zallik idealiga intilishni bas qilishga chorlagan.

“Biz o‘zimizni yo‘q bo‘lgan odamlar bilan solishtiramiz. Meni o‘zgartirilgan suratimga qarab o‘zimni zo‘rg‘a tanidim. Bu men emas, mening qaysidir Gollivud ilovasidagi boshqa bir versiyam”, — deb yozgan Klarkson.