Ижтимоий тармоқ фойдаланувчилари ташқи кўриниши билан машҳурликка эришган осиёлик блогер қизнинг асл башарасини кўриб, уни ёлғончиликда айблади. Бу ҳақда World of Buzz порталида хабар берилган.
Маълум қилинишича, TikTok саҳифасида 800 минг кузатувчиси бўлган хитойлик Си Хонг Ши мунтазам равишда макияж ва турли образларни кўрсатиб келган. У томонидан жойланадиган видеолар остига кузатувчилар унинг нақадар гўзал ва мукаммал кўринишга эга эканлигини ёзиб келган.
Аммо февраль ойининг бошида қизнинг собиқ дўстлари обуначиларга қизнинг фильтрсиз, асл юзи қандай эканлиги акс этган кадрларни тақдим қилган.
Шундан кейин Си Хонг Шининг юзи аслида думалоқ, гавда бичими эса йирик экани фош бўлган. Қолаверса, баъзи кадрларда қизнинг бақбақаси борлиги ҳам кўзга ташланган. Кейинроқ эса блогернинг ёши ҳақида ҳам нотўғри маълумот бергани ва 2021 йилда 25 ёшга кириши маълум бўлган. Таъкидланишича, бунга қадар қиз ўзини 1999 йилда таваллуд топганини айтган.
Си Хонгнинг асл ташқи кўриниши ҳақидаги ҳақиқатни унинг собиқ йигити ҳам тасдиқлаган. У танишганларида бўйи 165 см, вазни эса 40 кг эканини айтган, аммо кўришганларидан кейин йигит қизнинг бўйи паст ва вазни 50 килодан ортиқлигига амин бўлган. Блогернинг ўзи ушбу ҳолат ҳақида ҳеч қандай тушунтириш бермаган.
Изоҳ (0)