Bugun,

  • USD 11095.31
  • RUB 173.84
  • EUR 10772.44

Buyuk Britaniyada 15-fevraldan boshlab COVID-19 xavfi yuqori bo‘lgan davlatlardan tashrif buyuruvchilar uchun ikki haftalik majburiy karantin joriy etiladi. Bu haqda BBC ma’lumotiga tayanib “Kommersant” xabar berdi.

Foto:“RIA Novosti”

Foto:“RIA Novosti”

Hozirda mamlakatga faqat Britaniya fuqarolari yoki unda yashash huquqiga ega bo‘lganlar kirishi mumkin. “Qora ro‘yxat”dagi mamlakatlardan qaytgan fuqarolar o‘n kunni “COVID-mehmonxonalar”da o‘tkazishi kerak. Ushbu mehmonxonalarni mamlakat aeroportlari yaqinida tashkil etish rejalashtirilgan.

BBC ma’lumotiga ko‘ra, bunday mehmonxonalarda har kuni, taxminan, 1000 kishi istiqomat qiladi va unda yashash narxi bir kecha uchun 80 funtni tashkil qiladi.

Hozirda og‘ir epidemiologik vaziyatni boshdan kechirayotgan mamlakatlarning “qora ro‘yxat”iga 33 ta davlat kiritilgan. Ularning aksariyatida koronavirusning yangi shtammlari aniqlangan.

Ayni paytda Buyuk Britaniyada pandemiya boshlanganidan buyon uchinchi bor lokdaun joriy etilgan. Mamlakatda deyarli 4 million kishida kasallik qayd etilgan. Virus qurbonlari soni 110 mingdan oshgan. Buyuk Britaniya COVID-19’ga qarshi emlanganlar sonining ko‘pligi bo‘yicha dunyoda uchinchi o‘rinda turadi.

Avvalroq Yevropa Ittifoqi Shengen hududiga kirish uchun qo‘shimcha cheklovlarni joriy etgani haqida xabar qilingandi. Cheklovlar uchun tavsiyalar YeIning uchinchi mamlakatlar bilan chegaralarini har qanday tashrif, shu jumladan, sayyohlik uchun ochishiga oid yangi shartlarni nazarda tutadi.

Eslatib o‘tamiz, koronavirusning “britancha” shtammi Yevropaning 33 mamlakatida, dunyoning 60 ga yaqin hududida aniqlangan.

Izoh
Asosiy yangiliklar
Sport
Tata Steel Chess 2023. Nodirbek Abdusattorov amerikalik raqibi bilan durang o‘ynadi va hamon musobaqa peshqadami bo‘lib turibdi. Javohir Sindorovda ham durang
Mahalliy
Surxondaryodan topilgan ayiq bolasi zooparkka topshirildi
Mahalliy
O‘zbek tili darsligida musiqa asboblari nomi xato yozilgani aytildi (video)