Xalq ta’limi vazirligi ijtimoiy tarmoqlarda Toshkent shahridagi 238-maktabning o‘quvchi qizlari bilan bolalar ginekologi tomonidan o‘tkazilgan davra suhbatiga oid tarqalgan videoga munosabat bildirdi.
Poytaxtdagi 238-maktabning 9—11-sinf o‘quvchi qizlari bilan ginekolog o‘tkazgan davra suhbati ijtimoiy tarmoqlarda turli e’tirozlarni keltirib chiqargan. Unda ta’kidlanishicha, maktabning yuqori sinfida o‘qiydigan qizlar bitta xonaga to‘plangan va ularga jinsiy hayot bo‘yicha ma’lumotlar hamda turli maslahatlar berilgan.
https://www.instagram.com/tv/CK3YuKVnT5O/?igshid=21krxadbi4mz
Bugungi kunda mamlakatimizda erta tug‘ruqlarning oldini olish, yoshlarning reproduktiv salomatligini asrash, jinsiy zo‘ravonliklarni profilaktika qilish borasida keng ko‘lamli ishlar olib borilmoqda.Avvalroq Jizzaxdagi maktablarning birida voyaga yetmagan o‘quvchi homilador ekanligi aniqlangani to‘g‘risida xabar berilgandi.Erta turmush va tug‘ruq holatlari hamda oilaviy ajrimlar bilan bog‘liq muammolarning oldini olish maqsadida Uchtepa tuman tibbiyot birlashmasi bolalar ginekologi tomonidan 238-maktabning yuqori 9, 10, 11-sinf o‘quvchi qizlari ishtirokida o‘tkazilgan davra suhbati ana shunday ishlarning mantiqiy davomi bo‘ldi.
“Erta va qarindoshlar o‘rtasidagi nikohning oldini olish va erta homiladorlikning salbiy oqibatlari” mavzusida o‘tkazilgan davra suhbati Oliy Majlis Senatining “Erta turmush va erta tug‘ruq holatlari hamda ajralishlar bilan bog‘liq muammolarni bartaraf etish chora-tadbirlari” to‘g‘risidagi qarori hamda Sog‘liqni saqlash vazirining buyruqlari asosida tashkil qilinmoqda. Bu kabi o‘smirlik fiziologiyasi, reproduktiv salomatlikka oid suhbatlarni barcha umumta’lim muassasalarining yuqori sinf o‘quvchilari bilan rejaga muvofiq o‘tkazish belgilangan.
Suhbatlar davomida o‘quvchi qizlarga bolalar ginekologi tomonidan qizlarning 16—18 yoshlarda ona bo‘lishi salbiy oqibatlarga olib kelishi, ko‘p hollarda bunday yoshdagi qizlarning sog‘lom farzandni dunyoga keltirishida turli muammolar kelib chiqishi to‘g‘risida tushuntirishlar berib boriladi.
Xalq ta’limi vazirligi
Izoh (0)