Senat 5-fevral, juma kuni o‘tkazilgan navbatdagi yalpi majlisda Feruza Eshmatovani Oliy Majlis Inson huquqlari bo‘yicha vakili (Ombudsman) etib saylash to‘g‘risidagi qarorni qabul qildi.
Bunga qadar u Senatning Xotin-qizlar va gender tenglik masalalari qo‘mitasi raisi edi. Uning nomzodi Qonunchilik palatasi deputatlari tomonidan tavsiya etilgandi.
Feruza Eshmatova 1979-yil Qashqadaryo viloyatida tug‘ilgan. 2000-yilda Jahon iqtisodiyoti va diplomatiya universitetini tamomlagan. Yuridik fanlar doktori.
Ombudsman 5 yil muddatga saylanadi. Vakil lavozimiga nomzod Prezident tomonidan kiritiladi. 2015-yilning may oyidan buyon Ombudsman lavozimini Ulug‘bek Muhammadiyev egallab kelayotgandi.
Xotin-qizlar va gender tenglik masalalari qo‘mitasi raisi lavozimiga Senatning budjet va iqtisodiy islohotlar masalalari bo‘yicha qo‘mitasi a’zosi bo‘lgan Malika Qodirxonova saylandi.
Bundan avval Mirzo-Ulug‘bek Abdusalomov Konstitutsiyaviy sud sudyasi etib saylangani, Halilillo To‘raxo‘jayev Oliy sud raisi o‘rinbosari bo‘lgani haqida xabar berilgan edi.
Izoh (0)