Bring a Trailer auksionida 1952-yilda ishlab chiqarilgan qora Mercedes-Benz 220 Cabriolet A sotuvga qo‘yildi. Savdolar vaqtida butun “umri” davomida bir kishiga xizmat ko‘rsatgan noyob model narxi 64,5 ming dollarga yetgan, deb xabar beradi Motor.
Mercedes-Benz 220 Cabriolet A birinchi bor 1951-yilining aprelida Frankfurtdagi xalqaro avtomobil ko‘rgazmasida namoyish etilgan. To‘rt yil davomida kompaniya asosiy xususiyati qanotlarga integratsiyalashgan old faralari, shuningdek, harakat yo‘nalishiga qarshi ochiladigan eshiklarga ega modeldan 1300 ta nusxa ishlab chiqargan. Model Cabriolet B’dan kuzov liniyalarining silliqligi va salonining kengligi bilan ajralib turadi.
Sotuvga qo‘yilgan nusxa 1952-yilda ishlab chiqarilgan. Kabriolet taqdim etilganidan 7 yil o‘tib, uni hozirgi egasi sotib olgan va hozirga qadar undan foydalanib kelgan. 62 yil davomida erkak ushbu mashinada 49 ming kilometr yo‘l bosgan. Kuzovidagi ayrim detallar ta’mirlangani hisobga olinmasa, yig‘ma tomga ega Mercedes-Benz yaxshi holatda saqlangan. Kabrioletning barcha agregatlari soz holatda.
Avtomobil saloni jigarrang charm va tabiiy yog‘ochlar bilan qoplangan. Mercedes jamlanmasidan “radiopriyomnik”, shuningdek, firma chamadonlari jamlanmasi o‘rin olgan. Noyob model kapoti ostida 80 ot kuchiga ega 2,2 litrli V6 o‘rin olgan bo‘lib, u to‘rt pog‘onali mexanik uzatmalar qutisi yordamida boshqariladi.
Avvalroq Niderlandiyada Muammar Kaddafi buyurtmasiga asosan yaratilgani aytilayotgan Maybach 57S sotuvga qo‘yilgani to‘g‘risida xabar berilgandi.
Mavzuga doir:
Izoh (0)