Koronavirus cheklovlariga qarshi namoyishlar, portlatilgan avtomobil, 10 ming kishilik dafn marosimi. 1-fevral suratlari
1-fevral kuni dunyoning turli burchaklaridan olingan eng qiziqarli suratlar jamlanmasini taqdim etamiz.
Xitoyning Jinfo hududidagi tog‘lardagi daraxtda o‘tirgan makakalar.Foto: Rex
Tailandning Bangkok shahridagi Myanma elchixonasining binosi oldida Myanmada demokratiya tamoyillarini targ‘ib qilish tarafdorlardan biri yo‘l konusi bilan politsiya vakiliga qarshilik ko‘rsatmoqda.Foto: Reuters
Ispaniyaning Valensiya shahridagi Patakona plyajida vindsyorfing ishqibozlari kuchli shamoldan zavq olmoqda.Foto: EPA
Suriyaning Idlib shahrida joylashgan lagerda chodirlar oldidagi gulxanda qo‘llarini isitib turgan bolalar.Foto: Getty Images
Vatikanda koronavirusga qarshi kurash doirasidagi cheklovlarining yumshatilishi ketidan qayta ochilgan Sikstin kapellasini (katoliklarning kichik ibodatxonasi) ziyorat qilayotgan erkak.Foto: Getty Images
Afg‘onistonning Kobul shahrida xavfsizlik xizmati xodimlari bomba portlashi natijasida zararlangan avtomobilni joyidan olmoqda. Armiya avtomobiliga o‘rnatilgan moslama 1-fevral kuni portlab, bir qancha kishining umriga zomin bo‘ldi.Foto: AP Photo
Tailandning Bangkok shahridagi Niem Songkxrao maktabida dars jarayonida niqob taqib o‘tirgan o‘quvchilar. Mamlakat hukumati kelgusi haftadan boshlab ko‘plab maktablarni ochishini bildirgan. Biroq bu yangilik koronavirus tarqalgan so‘nggi hududlardan biri Samut-Saxon provinsiyasiga taalluqli emas.Foto: Getty Images
Quddusda ravvin (iudaizmda diniy ulamo) Meshulam David Soloveychikning dafn marosimiga 10 ming nafarga yaqin odam keldi.Foto: Reuters
Chexiya hukumati karantin choralarining kuchaytirilishini e’lon qildi. Mehmonxonalarga boshqa hududlardan kelganlarni joylashtirish man etildi. Xizmat safarlari yuzasidan keluvchilar bundan mustasno. Bundan tashqari, aholi tibbiyot niqoblari o‘rniga respiratorlardan foydalanishi shart.Foto: Reuters
Singapur ahli oy taqvimi bo‘yicha nishonlanadigan Yangi yilni kutib olishga hozirlik ko‘rmoqda.Foto: Reuters
Ukrainaning Donetsk shahridagi kasalxonaga koronavirusga qarshi vaksinaning ilk partiyasi olib kelindi.Foto: Reuters
Braziliyada mamlakat prezidenti Jair Bolsonaru va uning koronavirusga qarshi kurash choralarini qoralab o‘tkazilayotgan aksiyada ishtirok etayotgan ayol.Foto: Reuters
Hindistonning Nyu-Dehli shahrida fermerlik qonunlariga qarshi namoyishlar o‘tkazilgan joyda ovqat pishirayotgan ayollar.Foto: Reuters
AQSh kuchli qor bo‘ronlari ichida qoldi. Jumladan, Virjiniya shtatida yo‘llarda harakatlanish favqulodda qiyinlashib bormoqda. Vashington hamda Nyu-York shaharlarida ham kuchli qor yog‘moqda.Foto: Reuters
Myanmada harbiylar hokimiyatni egallab oldi va bir yilga favqulodda holat e’lon qildi. O‘tgan hafta Myanma Qurolli kuchlari bosh qo‘mondoni qonunlar tegishlicha bajarilmasa, konstitutsiya bekor qilinishi mumkinligini ma’lum qilgach, mamlakatdagi siyosiy keskinlik oshib ketgan edi.Foto: Reuters
Avstraliyaning G‘arbiy Avstraliya shtatidagi Pert shahrida odamlar supermarketga kirish uchun navbatda turibdi. Mehmonxona qo‘riqchisida koronavirus aniqlanganidan so‘ng shtatda 5 kunlik karantin joriy etilishi e’lon qilingan. Odamlar zaruriy oziq-ovqat mahsulotlarini xarid qilishga oshiqmoqda.Foto: Reuters
Avstriya va Belgiyada karantinga qarshi ommaviy norozilik namoyishlari bo‘lib o‘tdi.Foto: Twitter
31-yanvar kuni Rossiyaning turli shaharlarida siyosatchi Aleksey Navalniyni qo‘llab-quvvatlab o‘tkazilgan aksiyalarda ayni paytga qadar 5362 kishi qo‘lga olingan.Foto: Reuters
Toshkent shahar IIBB boshlig‘ining birinchi o‘rinbosari vaksina sinovida ishtirok etdi.Foto: Toshkent shahar Ichki ishlar bosh boshqarmasi
Izoh (0)