Futbol bo‘yicha Ispaniya La Ligasining 22-turida “Atletiko” 31-yanvar, yakshanba kuni “Kadis” maydoniga safar qildi.
Uchrashuvning 28-daqiqasida Luis Suares jarima zarbasini qoyilmaqom ijro etgan holda madridliklarni oldinga olib chiqdi. Oradan ko‘p o‘tmay Alvaro Negredo o‘zining chiroyli goli bilan muvozanatni tikladi. Birinchi bo‘lim oxirida Saul Niges “Atletiko”ning ikkinchi golini urdi.
Ikkinchi bo‘lim debyutida Suares penaltini aniq ijro etdi. 71-daqiqada Negredo ham dubl qayd etib, hisobni qisqartirishga erishdi, biroq 88-daqiqada Koke o‘zining goli bilan o‘yin masalasini hal qildi.
Shu tariqa Diyego Simeone jamoasining ochkolari 50 taga yetkazib oldi va bitta zaxira o‘yiniga ega bo‘lib, eng yaqin ta’qibchisi “Real”ni 10 ochkoga ortda qoldirmoqda.
La Liga
22-tur bahsi
31-yanvar, yakshanba
“Kadis” — “Atletiko” 2:4
Gollar: 0:1 – 28 Suares, 1:1 – 35 Negredo, 1:2 – 44 Saul, 1:3 – 50, penalti Suares, 2:3 – 71 Negredo, 2:4 – 88 Koke.“Kadis”: Ledesma, Kala (Malbashich, 87), Karselen (Garrido, 54), Markos Mauro, Fali Ximenes (Neto, 87), Salvi Sanches, Iskerdo (Augusto Fernandes, 87), Yonsson, Perea, Negredo, Losano (Shaponich, 65).
“Atletiko”: Oblak, Savich, Ximenes, Felipe, Torreyra (Vrsalko, 46), Lyorente, Lemar (Lodi, 60), Koke, Saul (Kondogbia, 83), Joau Feliks (Korrea, 60), Suares (Errera, 84).
Ogohlantirishlar: Torreyra (38), Iskerdo (40), Joau Feliks (41), Vrsalko (73), Koke (76), Kondogbia (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)