Футбол бўйича Испания Ла Лигасининг 22-турида «Атлетико» 31 январь, якшанба куни «Кадис» майдонига сафар қилди.
Учрашувнинг 28-дақиқасида Луис Суарес жарима зарбасини қойилмақом ижро этган ҳолда мадридликларни олдинга олиб чиқди. Орадан кўп ўтмай Альваро Негредо ўзининг чиройли голи билан мувозанатни тиклади. Биринчи бўлим охирида Сауль Нигес «Атлетико»нинг иккинчи голини урди.
Иккинчи бўлим дебютида Суарес пенальтини аниқ ижро этди. 71-дақиқада Негредо ҳам дубль қайд этиб, ҳисобни қисқартиришга эришди, бироқ 88-дақиқада Коке ўзининг голи билан ўйин масаласини ҳал қилди.
Шу тариқа Диего Симеоне жамоасининг очколари 50 тага етказиб олди ва битта захира ўйинига эга бўлиб, энг яқин таъқибчиси «Реал»ни 10 очкога ортда қолдирмоқда.
Ла Лига
22-тур баҳси
31 январь, якшанба
«Кадис» — «Атлетико» 2:4
Голлар: 0:1 – 28 Суарес, 1:1 – 35 Негредо, 1:2 – 44 Сауль, 1:3 – 50, пенальти Суарес, 2:3 – 71 Негредо, 2:4 – 88 Коке.«Кадис»: Ледесма, Кала (Малбашич, 87), Карселен (Гарридо, 54), Маркос Мауро, Фали Хименес (Нето, 87), Салви Санчес, Искердо (Аугусто Фернандес, 87), Ёнссон, Переа, Негредо, Лосано (Шапонич, 65).
«Атлетико»: Облак, Савич, Хименес, Фелипе, Торрейра (Врсалко, 46), Льоренте, Лемар (Лоди, 60), Коке, Сауль (Кондогбиа, 83), Жоау Феликс (Корреа, 60), Суарес (Эррера, 84).
Огоҳлантиришлар: Торрейра (38), Искердо (40), Жоау Феликс (41), Врсалко (73), Коке (76), Кондогбиа (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)