Amerikalik yengilmas bokschi Floyd Meyvezer (50-0, 27 KO) va YouTube bloger Logan Pol ishtirokidagi jang bekor qilindi.
Ko‘rgazmali jang 20-fevral sanasida bo‘lib o‘tishi rejalashtirilgandi. Ta’kidlanishicha, jangning bekor qilinishiga koronavirus pandemiyasi sabab bo‘lgan, deya xabar qilmoqda TMZ.
25 yoshli Pol 2019-yilning noyabrida ringda debyut qilgandi. U bloger KSI bilan bo‘lgan jangda hakamlar qaroriga ko‘ra imkoniyatni boy bergan. Uning YouTube kanalida 20 milliondan ortiq obunachi bor.
43 yoshli Meyvezer 1996-yilda boksdagi faoliyatini boshlagan. U prof ringdagi so‘nggi jangini 2017-yilda ikki vazn toifasida UFC sobiq chempioni Konor Makgregorga qarshi o‘tkazgan va uni 10-raundda nokautga uchratgandi.
Floyd oxirgi marta 2018-yilda ringga ko‘tarilgan va ko‘rgazmali jangda yaponiyalik 20 yoshli MMA jangchisi Tenshin Nasukavani birinchi raunddayoq nokautga uchratgandi.
Mavzuga doir:
- Hashamatli qasrlar, xususiy samolyotlar, mashinalar, zargarlik buyumlari va qimmatbaho soatlar. Yengilmas bokschi Floyd Meyvezer millionlarini nimalarga sarflaydi?
- Tushunarsiz kamarlar, g‘alati hakamlik, korrupsiya va layoqatsiz rahbarlar. Boksning islohotlarga muhtojligi haqida
- Habib Nurmagomedov Floyd Meyvezerga qarshi jang qiladimi? Uning amakisi javob berdi
Izoh (0)