Futbol bo‘yicha Italiya A Seriyasining 20-turida “Inter” 30-yanvar, shanba kuni “Benevento”ni qabul qildi.
Uchrashuvning 7-daqiqasidayoq milanliklar avtogol evaziga oldinga o‘tib oldi. Ikkinchi bo‘limda maydon egalari yana uch bor raqib darvozasiga yo‘l topdi.
57-daqiqada Lautaro Martines jamoasining ikkinchi golini urgan bo‘lsa, keyinchalik Romelu Lukaku ketma-ket ikkita to‘p kiritib, hisobni yirik ko‘rinishga olib keldi.
Mazkur g‘alabadan keyin “Inter” ochkolarini 44 taga yetkazib oldi va ikkinchi pog‘onada ketmoqda. “Benevento” (22) esa 12-pog‘onada qoldi.
A Seriya
20-tur bahsi
30-yanvar, shanba
“Inter” — “Benevento” 4:0
Gollar: 1:0 – 7, avtogol Improta, 2:0 – 57 Martines, 3:0 – 67 Lukaku, 4:0 – 78 Lukaku.“Inter”: Handanovich, Ranokkiya, Shkrinyar (de Vrey, 74), Bastoni, Hakimi, Eriksen, Galyardini (Sensi, 80), Barella (Vidal, 64), Perishich, Lukaku (Pinamonti, 81), Martines (Sanches, 74).
“Benevento”: Montipo, Glik, Kaldirola (Pastina, 60), Barba, Depaoli, Viola (Skyattarella, 60), Ionitse (Telyo, 70), Improta (Fulon, 70), Hetemay, Kaprari (Insinye, 76), Lapadula.
Ogohlantirishlar: Kaldirola (28), Depaoli (32).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)