Yengil vazn toifasida harakat qiluvchi UFC jangchisi Jastin Getji (22-3) mazkur divizion chempioni Habib Nurmagomedov (29-0) haqidagi fikrlari bilan o‘rtoqlashdi.
Habib juda kuchli, juda. Parter vaqtida pozitsiyasini ajoyib tarzda o‘zgartiradi, zarbalarga dosh berishi ham a’lo darajada. Unga yaxshi zarba berdim, u esa yuz tuzilishini o‘zgartirmadi ham. Uning og‘riq sezganini bilaman, biroq u buni ko‘rsatmadi.Eslatib o‘tamiz, 2020-yilning 24-oktabrida Habib Nurmagomedov UFC 254 musobaqasida Getji bilan to‘qnash kelgandi. Unda rossiyalik yakkakurashchi ikkinchi raundda bo‘g‘ish usulini qo‘llab, raqibini taslim etgan va jangdan keyin faoliyatini yakunlashini ma’lum qilgandi.Unda ajoyib jeb zarbasi bor, juda samarali, chunki u vaziyatini juda tez almashtira oladi. U o‘z holatini o‘zgartirgan vaqtda raqibning yuziga har safar jeb zarbasi yo‘llaydi.
UFC’da va butun dunyoda hozir kimdir bu yigitni yengil vazn toifasida mag‘lub eta olishiga ishonmayman.
Jastin Getji, UFC jangchisi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)