Amerikaning Shimoliy Karolina shtatidagi Darem shahrida yashovchi juftlik 26 yil davomida bir xil raqamlar to‘plami bilan lotereya o‘ynab, yutuqqa erishdi. Bu haqda UPI nashri xabar berdi.
Foto: UPI
Terri Koggeshellning so‘zlariga ko‘ra, o‘zi va rafiqasi ko‘p yillardan buyon muntazam ravishda lotereya o‘ynashda bir xil raqamlar to‘plamidan foydalangan. “Bular men va turmush o‘rtog‘imning 26 yildandan buyon o‘ynagan raqamlari. Biz buni Floridada yashab yurganimizda boshlagan edik”, − deydi u.
Juftlik 2020-yil 11-noyabrda bo‘lib o‘tadigan o‘yinda ham o‘z an’anasidan voz kechmadi. Natijada ular salkam 367ming dollar (28 million rubl) pul mukofotiga sazovor bo‘ldi. Lotereya natijalari e’lon qilinayotganda Koggeshellning rafiqasi televizor ko‘rayotgan edi. “U o‘rnidan turdi va tomoshani davom ettirdi. Keyin ‘Men yutdim, men yutdim’, deya baqira boshladi”, − deydi erkak.
Koggeshellning aytishicha, lotereya o‘ynash mobaynida ular bir necha bor yutuqqa yaqinlashgan. Ammo jekpot birinchisi bo‘lgan. “Biz hech qachon yutuqqa erishamiz deb o‘ylamagan edik. Xotinim chekni ko‘rganda uning yuzidagi o‘zgarishni ko‘rishni sabrsizlik bilan kutaman”, − ta’kidlaydi erkak.
Er-xotin olingan pul bilan nafaqada yanada qulay sharoitda yashashga umid qilmoqda.
