O‘zbekistonga 2020-yil yanvar–dekabr oylarida turistik maqsadda tashrif buyurgan chet el fuqarolari soni 1,5 million kishini tashkil etdi. 2019-yilning shu davriga nisbatan ushbu ko‘rsatkich 77,7 foizga kamaydi. Bu haqda Davlat statistika qo‘mitasi ma’lum qildi.
O‘zbekistonning 2 million fuqarosi 2020-yili sayyohlik maqsadida mamlakatni tark etdi, bu 2019-yilga nisbatan 76,3 foizga past.
O‘zbekistonga MDH mamlakatlaridan 1,42 million chet elliklar (umumiy sonning 94,4 foiz), boshqa mamlakatlardan 83,8 ming kishi (5,6 foiz) kelgan.
Mamlakatdan 2020-yili MDH davlatlariga chiqib ketgan O‘zbekiston fuqarolari soni 1,84 million kishini (ularning umumiy sonining 92,1 foiz), boshqa mamlakatlarga esa 158,2 ming kishini (7,9 foiz) tashkil etdi.
2020-yil yanvaridan dekabrigacha chet el fuqarolari kelganlar orasida erkaklar 50,9 foiz (765,4 ming kishi), ayollar esa 49,1 foiz (738,7 ming kishi) ni tashkil etdi.
Mamlakatni sayyohlik maqsadida tark etgan erkaklar 54,2 foiz (1,08 million kishi), ayollar — 45,8 foiz (916,3 ming kishi).
Chet elliklarning eng katta oqimi quyidagi davlatlardan qayd etildi: Qirg‘iziston — 508 ming kishi (barcha kelganlarning umumiy sonidan 33,8 foiz), Qozog‘iston — 424,1 ming kishi (28,2 foiz), Tojikiston — 337,5 ming kishi (22,4 foiz), Rossiya — 81,6 ming kishi (5,4 foiz), Turkmaniston — 60,6 ming kishi (4 foiz), Ozarbayjon — 2,2 ming kishi (0,1 foiz) va Belarus — 1,6 ming kishi (0,1 foiz).
O‘zbekistonliklarning xorijiy mamlakatlarga eng ko‘p chiqishi: Qirg‘iziston — 947,7 ming kishi (47,4 foiz), Qozog‘iston — 520,3 ming kishi (26 foiz), Tojikiston — 299,5 ming kishi (15 foiz), Turkiya — 62, 7 ming kishi (3,1 foiz), Rossiya — 53,2 ming kishi (2,7 foiz), Birlashgan Arab Amirliklari — 29,5 ming kishi (1,5 foiz), Turkmaniston — 16,6 ming kishi (0, 8 foiz), Janubiy Koreya — 9,8 ming kishi (0,5 foiz), Germaniya — 1,7 ming kishi (0,1 foiz), Xitoy — 1 ming kishi (0,1 foiz) va boshqa mamlakatlarga — 59,5 ming kishi (2,8 foiz) da qayd etilgan.
O‘zbekistonga tashrif buyurgan chet el fuqarolarining aksariyati qarindoshlarini ziyorat qilish uchun kelganini qayd etgan (87,8 foiz). Chet el fuqarolarining sezilarli darajada kam qismi quyidagi maqsadlar uchun tashrif buyurgan: sayohat — 8,6 foiz, davolanish — 1 foiz, xizmat zarurati — 1,2 foiz, tijorat safari — 1,1 foiz va o‘qish — 0,3 foiz.
O‘zbekistonni tark etgan fuqarolarning ko‘pchiligi qarindoshlarni ziyorat qilish uchun ketganliklarini ma’lum qilgan — 84,7 foiz, qolganlari sayohat (7,9 foiz), o‘qish (5,4 foiz), xizmat safarlari (1,2 foiz), davolanish (0, 8 foiz) uchun ketgan.
Avvalroq O‘zbekistonga 2020-yilda 1,5 mln nafar sayyoh tashrif buyurgani, Ummon sultonligi O‘zbekiston fuqarolarining mamlakatga kirish tartibini o‘zgartirgani hamda 2020-yilda Xalqaro turizm 1990-yil darajasigacha pasaygani haqida xabar berilgandi.
Izoh (0)