Ўзбекистонга 2020 йил январь–декабрь ойларида туристик мақсадда ташриф буюрган чет эл фуқаролари сони 1,5 миллион кишини ташкил этди. 2019 йилнинг шу даврига нисбатан ушбу кўрсаткич 77,7 фоизга камайди. Бу ҳақда Давлат статистика қўмитаси маълум қилди.
Ўзбекистоннинг 2 миллион фуқароси 2020 йили сайёҳлик мақсадида мамлакатни тарк этди, бу 2019 йилга нисбатан 76,3 фоизга паст.
Ўзбекистонга МДҲ мамлакатларидан 1,42 миллион чет элликлар (умумий соннинг 94,4 фоиз), бошқа мамлакатлардан 83,8 минг киши (5,6 фоиз) келган.
Мамлакатдан 2020 йили МДҲ давлатларига чиқиб кетган Ўзбекистон фуқаролари сони 1,84 миллион кишини (уларнинг умумий сонининг 92,1 фоиз), бошқа мамлакатларга эса 158,2 минг кишини (7,9 фоиз) ташкил этди.
2020 йил январидан декабригача чет эл фуқаролари келганлар орасида эркаклар 50,9 фоиз (765,4 минг киши), аёллар эса 49,1 фоиз (738,7 минг киши) ни ташкил этди.
Мамлакатни сайёҳлик мақсадида тарк этган эркаклар 54,2 фоиз (1,08 миллион киши), аёллар — 45,8 фоиз (916,3 минг киши).
Чет элликларнинг энг катта оқими қуйидаги давлатлардан қайд этилди: Қирғизистон — 508 минг киши (барча келганларнинг умумий сонидан 33,8 фоиз), Қозоғистон — 424,1 минг киши (28,2 фоиз), Тожикистон — 337,5 минг киши (22,4 фоиз), Россия — 81,6 минг киши (5,4 фоиз), Туркманистон — 60,6 минг киши (4 фоиз), Озарбайжон — 2,2 минг киши (0,1 фоиз) ва Беларусь — 1,6 минг киши (0,1 фоиз).
Ўзбекистонликларнинг хорижий мамлакатларга энг кўп чиқиши: Қирғизистон — 947,7 минг киши (47,4 фоиз), Қозоғистон — 520,3 минг киши (26 фоиз), Тожикистон — 299,5 минг киши (15 фоиз), Туркия — 62, 7 минг киши (3,1 фоиз), Россия — 53,2 минг киши (2,7 фоиз), Бирлашган Араб Амирликлари — 29,5 минг киши (1,5 фоиз), Туркманистон — 16,6 минг киши (0, 8 фоиз), Жанубий Корея — 9,8 минг киши (0,5 фоиз), Германия — 1,7 минг киши (0,1 фоиз), Хитой — 1 минг киши (0,1 фоиз) ва бошқа мамлакатларга — 59,5 минг киши (2,8 фоиз) да қайд этилган.
Ўзбекистонга ташриф буюрган чет эл фуқароларининг аксарияти қариндошларини зиёрат қилиш учун келганини қайд этган (87,8 фоиз). Чет эл фуқароларининг сезиларли даражада кам қисми қуйидаги мақсадлар учун ташриф буюрган: саёҳат — 8,6 фоиз, даволаниш — 1 фоиз, хизмат зарурати — 1,2 фоиз, тижорат сафари — 1,1 фоиз ва ўқиш — 0,3 фоиз.
Ўзбекистонни тарк этган фуқароларнинг кўпчилиги қариндошларни зиёрат қилиш учун кетганликларини маълум қилган — 84,7 фоиз, қолганлари саёҳат (7,9 фоиз), ўқиш (5,4 фоиз), хизмат сафарлари (1,2 фоиз), даволаниш (0, 8 фоиз) учун кетган.
Аввалроқ Ўзбекистонга 2020 йилда 1,5 млн нафар сайёҳ ташриф буюргани, Уммон султонлиги Ўзбекистон фуқароларининг мамлакатга кириш тартибини ўзгартиргани ҳамда 2020 йилда Халқаро туризм 1990 йил даражасигача пасайгани ҳақида хабар берилганди.
Изоҳ (0)